【派對場地】大人細路都啱玩嘅Party Room
今年和牛B三歲生日，我嘅朋友幫我同和牛B出去慶祝生日。
由於今次嘅慶祝嘅人數係七個大人，一個小豆釘嘅關係，Party Room揀場方面我其實揀咗好多個場。
選擇條件：
1.玩樂設施要啱一個三歲嘅小朋友，同時又唔會悶親班大人。
2.最低消費
3.地點係咪方便
坊間好多Party room場一係主攻小朋友BB市場，一係就主攻年青人市場。
同埋好多都要起碼十人以上先可以包場，當然人數唔夠你俾到最低消費嘅價錢都租到嘅，但就變相貴咗。
揀咗好多間之後，最後我揀咗位於九龍區新蒲崗嘅8090’s Party Room。
重點有一個波波池，同埋有一座好巨大嘅層層疊遊戲!!
仲有得打麻雀、打機(月光寶盒)、Nintendo Switch、Board game等。
位於工廠區，外牆似乎重新裝修過，睇落都唔係好舊。
^ Party Room嘅門口
年青人嘅佈局，但係有波波池，小朋友已經好開心。
^ Post it便利貼牆，上面寫滿字條，唔同顏色咁貼上去，原來都好靚o架!
波波池嘅背面就係一塊黑板牆，場地仲提供粉筆可以喺黑板上面寫字。
當日，和牛B淨係喺波波池都玩咗個幾兩個鐘。
呢到有電子鏢機，重點每局都係免費嘅。
麻雀耍樂，最啱大人消遣。
仲有「月光寶盒」超級多80後懷舊經典遊戲，有街霸、拳皇、吞食天地、美少女戰士、俄羅斯方塊等。
多到真係你講得出嘅都有，真係咩回憶都返晒嚟！
^ 50吋電視機
^ 人稱「月光寶盒」仲有街機一樣嘅手掣，真係不得了!!
旁邊嘅8格櫃，有多款小遊戲、Card game選擇。
早前好Hit嘅企鵝遊戲
經典Party遊戲層層疊，文中我曾經提及過呢到有巨大層層疊，不過當日去到場地職員話個層層疊早前爛咗。而家要等新貨返，所以暫時無咗呢個遊戲。
我有少少失望…不過冇辦法啦
食物方面，可以自己嗌到會又或者揀場地提供嘅Party套餐。
雪櫃嘅飲品全部任飲，有大概7-8款飲品選擇。
^ 飲品任飲，Free wifi，餐具提供。
收費:
星期一至四：11am -6pm 每位HKD30小時; 6pm後 每位HKD38/小時
星期五至日及假期(或特定日子)：每位HKD158/4小時; 每位HKD188/6小時; 每位HKD178/6小時通宵派對 (12mn – 6am)
*12歲以下小童半價，3歲或以下免費，加時為每位HKD30/小時
**收費係以8090s Party Room為準
訂房方法及流程：
確認日子、時間、主題房及大約人數後 → 訂金 → 傳送有關入數紙 → 確認預約及細節內容
生咗和牛B之後，感覺心境真係老咗，見到呢啲裝飾，令我重拾年青嘅感覺。
其實除咗生日，都可以去下Party room到消磨時間。
8090’s Party Room
地址：九龍新蒲崗七寶街利中工業大廈15樓B3室
電話：5225 7557
https://www.facebook.com/8090spartyroom/
————————————————–
歡迎聯絡我&和牛B: [email protected]
Facebook專頁: 和牛B嘅成長專頁
Instagram: wagyubmami
————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
關於作者與本篇文章
6個追蹤 和牛b媽媽
在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。
推薦閱讀
旅遊不知去哪裡，跟媽媽經放心玩
放假跟著媽媽經一起放心玩，精選台灣各地高CP值渡假飯店，為每一個家庭帶來快樂十足的親子假期！
【宜蘭綠舞日式主題之旅】✨超值2大一小極景客房✨ 原價$13,596下殺約43折只需$5388元‼ 日式主題度假飯店，揪團偽出國！
宜蘭住宿推薦|【綠舞日式主題之旅】占地5.75公頃日式庭園主題飯店✨，不必出國也能感受濃厚的日式風情🎌不僅擁有美...
用音樂築起一個家：伊甸愛心棧，為遠地就醫的癌友守一盞燈
文｜蘇麗華 攝影｜何坤益 當偏鄉、離島的癌友，需要跨區到大城市治療，首先浮現的，往往不...
走進第一線服務 開啟身心障礙服務的台、泰國際對話
文、攝影｜蘇麗華 當提供身心障礙服務時，如何讓制度能溫柔地接住每一個需求？是一大考驗。...
{台北景點}ONE PIECE 歡樂派對嘉年華 就在臺北市立兒童新樂園，超高五米魯夫和喬巴，還有超好玩氣墊遊樂區，活動只到10/12，趕快來玩！
{台北景點}ONE PIECE 歡樂派對嘉年華 就在臺北市立兒童新樂園，超高五米魯夫和喬巴，還有超好玩氣墊遊樂區...
日月潭瑞居飯店｜2大1小只要3888元起！送九族文化村門票、暑假週六不加價，親子出遊超划算🎡
每次規劃日月潭親子旅行，爸媽最煩惱的就是住宿、景點門票加一加荷包大失血😅。如果能一次搞定住宿、早餐、九族文化村門...
我要回應