【親子限定】反斗親子聖誕嘉年華 x F1賽車 x 波波池 x 玩泡泡 x 超好玩
大人嘅聖誕假期已經完結，但係小朋友嘅聖誕假期仲未完結o架。所以真係要安排一連串活動俾佢哋放鬆、盡情放電先得呀！
屯門除咗市中心有多個大型商場連接住之外，大家可以從市中心轉乘巴士去到黃金海岸商場玩，黃金海岸除咗有靚景之外，今個聖誕假期仲有「反斗親子聖誕嘉年華」，直情由天台玩到地面呀！
當中必玩嘅遊戲有魔力泡泡球、F1賽車場、衝力撞撞球。另外仲有海龜波波池、動力小車手、親子釣魚池、開心射擊場及騎馬小天地。而且全部遊戲都有人流管制，所以唔會多人都玩唔到。家長要留意嘅係，大會為安全起建每樣遊戲都會設有高度限制。
事不宜遲，馬上去片～～＞＞
動力小車手
和牛B第一次自己「揸車」新手上路，多多包涵
揸住架靚車，又多功能，又有得聽歌，佢真係超開心，仲搞到分心成日撞車
每節只限5人，所以好安全。
魔力泡泡球 (推介)
大會會為每仕入場玩嘅小朋友準備一件衫仔，以免整污糟件衫。
仲有保眼眼鏡，不過當日和牛B唔肯戴，所以就由佢吧。場內有唔同嘅道具玩泡泡，超、超、超大個Bubbles呀!!!
而且場內有部機不停噴泡，真係好夢幻呀！！
F1賽車場 (推介)
點先算得上係賽車場? 當然就係有埋掟彎、飄移嘅賽道啦。每節仲可以玩足10分鐘，就俾小朋友盡情感受一下飛車嘅快感啦。
衝力撞撞球 (推介)
場內有幾款唔同Size嘅撞撞球，家長可以揀返合適嘅款式俾小朋友玩。
小朋友一齊拎起大大個嘅撞撞球，就可以開始進行對戰啦~互撞~~
仲有吹汽嘅波，可以射龍門。
*大會亦有提供頭盔，不過和牛B個頭唔夠大，所以戴唔落
呢個遊戲80cm高嘅小朋友就可以入場玩。
海龜波波池
終於嚟到小朋友最愛嘅波波池，海龜波波池，外型好似一隻龜咁。
每節限12人進入波波池，入面係紫色、黃、透明白嘅波波，有一條比較直嘅滑梯。
騎馬小天地
玩到到落地嘅仲有騎馬小天地，今次係和牛B第二次騎馬仔。上次佢未掌握到，今次佢終於識得玩啦~~
馬仔都有分大細，可以配合唔同身高嘅小朋友玩。
每節限5人進入，高度限制為70-125cm高嘅小朋友。
如果較年幼嘅小朋友，亦可以揀隻甲蟲仔/ 龜仔坐添呀~
其餘仲有親子釣魚池同埋開心射擊場。呢到嘅遊戲，已經足夠俾小朋友好好咁放電。
我哋當日大概3-4點左右嚟到，玩完剛好黃昏。睇到黃金海岸嘅燈飾，真係好靚呀！
以上全部遊戲都需要購買/ 換領遊戲券，售票處設於地面(7-11旁)或1樓平台。
遊戲券$10=1張，愈買得多愈著數。
– 滿$130 (13張送1張)
– 滿$200 (20張送3張)- 滿$300 (30張送5張)- 滿$500 (50張送10張)
或於黃金海岸商場即日消費滿$300*/ $200，即可換領5張。
*兩張不同商戶的機印發票
黃金海岸商場 @ 屯門
活動日期: 即日至2018年1月1日
活動時間:10am – 8pm/ 6pm*(1/1/2018)
http://www.goldcoastpiazza.com.hk/zh-hk/promotions/index
————————————————–
歡迎聯絡我&和牛B: [email protected]
Facebook專頁: 和牛B嘅成長專頁
Instagram: wagyubmami
————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
關於作者與本篇文章
6個追蹤 和牛b媽媽
在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。
推薦閱讀
旅遊不知去哪裡，跟媽媽經放心玩
放假跟著媽媽經一起放心玩，精選台灣各地高CP值渡假飯店，為每一個家庭帶來快樂十足的親子假期！
Utroo café 寓所咖啡 坐落於信義區的美食藝術 日式唐揚炸雞飯 義式香草嫩雞腿沙拉 肉桂捲
Utroo café 寓所咖啡 店家地址：台北市信義區忠孝東路五段236...
每天的努力 都在小琪的成長裡綻放
（圖說：伊甸臺南蒲公英小作所的學員小琪在接受服務後，建立起規律的生活，也能自信地與人互動。） ...
阿勇的改變，秀峰家園的力量
文｜蘇麗華 攝影｜簡瑞廷 「從沉默的旁觀者，到會主動提醒大家打掃的好夥伴，阿...
西門町現天籟 大象攜小象 傳頌守護20載
文｜朱聖恩 攝影｜簡瑞廷 週末下午，台北西門町人潮熙熙攘攘，忽有清新的孩童合唱聲，悠揚...
(已結團)🎉 高雄義大皇家 2天一夜含義大門票 限時7天 $6,188起！每日限量升等 豪華或花園家庭房、再免費送摩天輪搭乘券‼️
還在煩惱暑假要帶孩子去哪裡放電嗎？😆這次真的要搶！高雄超人氣親子渡假飯店「義大皇家酒店」推出限時7天優惠，不只直...
大家都在討論
我要回應