【限定活動】初秋限定之「香港有機洛神花節2018」。仲有工作坊

洛神花花茶可以話係女性恩物，其好處真係好多。除咗可以用來開胃、消化及調理腸胃之外，亦有美容養顏嘅功效。

而除了咁多功效之外，洛神花嘅花語係「愛戀、平安」，仲好啱情侶嚟影相打卡留念。

唔講唔知，原來秋天正正就係洛神花嘅收成期，呢個時候嘅洛神花係最靚o架!

我都係第一次見到咁多洛神花，好似紅寶石一樣呀，到底我去咗邊到呢??

呢到係「葵芳新都會廣場」嘅L5嘅空中花園呀。

 

由即日起至10月28日，葵芳新都會廣場與五大農墟及城中綠色品牌合辦小清新農墟市集，現場仲有洛神花美食特飲及一系列花系手作精品出售。

而每逢星期六仲會舉行一系列嘅DIY工作坊，例如親手製作洛神花天然飲品、食品、手工皂及手工護膚品等。

^ 認真賞花、影花嘅和牛B

^ 市集入面嘅洛神花飲品、小食 @ KOOL Cafe

平時整甜品就整得多我嘅我，又真係未試過整飲品。今次我同和牛B一齊製作洛神花天然飲品，原來又唔難做，好簡單。另外，我成日聽人講洛神花係好酸，所以我都有啲怕，但結果相反呀今次製作咗兩杯洛神花特飲，係好好飲o架。

就等我分享一下當日上工作坊嘅情況俾大家啦~而工作坊係可以製作兩杯洛神花特飲「芝士奶蓋洛神花」及「有機奇亞籽洛神花」。

先製作芝士奶蓋洛神花: –

和牛B都有份幫手，佢幫手將洛神花花瓣撕落嚟。

洛神花，花心椗部分切除，再拎花心部份去煲。

享受製作過程，同步都想影低每一刻嘅和牛B。

將忌廉及芝士打至杰身

預先煲好嘅洛神花茶底倒杯中，再加入已打好嘅芝士忌廉。

年紀小小，唔敢俾佢飲茶住。俾佢飲最上層嘅芝士奶蓋先~~~佢飲完都話好好味~

再加上洛神花花瓣上去做裝飾。

有機黑奇亞籽洛神花: –

預先將有機黑奇亞籽浸一陣，等佢發大。

將汽水倒入，再加入預先煮好嘅洛神花蜜及有機黑奇亞籽倒入汽水中。

加上洛神花做裝飾，就完成了~

 

【洛神花DIY工作坊】

日期：2018年10月6、13、20及27日（逢星期六）時間：下午3時至4時 及 下午5時至6時地點：L5空中花園內容：洛神花特飲製作(6/10)天然手工皂製作(13/10)護膚滋潤膏製作(20/10)洛神花果醬製作(27/10)

參加方法：MP VIP Club會員憑300積分即可換領入場券一張；讚好新都會廣場Facebook專頁及追蹤新都會廣場Instagram可額外換領多一張入場券。

 

換領日期：10月6日至27日      換領時間：上午10時半至晚上10時換領地點：L2顧客服務中心               名額：每節30人，額滿即止