首頁 » 健康百寶箱 » 孖B孖媽一齊病,可怕手足口病!

孖B孖媽一齊病,可怕手足口病!

孖B孖媽一齊病,可怕手足口病!

FavoriteLoading收藏文章

而家係流感同腸病毒嘅高峰期,早前孖B中咗佢哋生平第一次嘅手足口病,輪住發燒、出疹,搞到港媽都一齊病埋,唉…!手足口病係一種兒童嘅常見疾病,主要侵犯 5 歲以下幼童,通常由腸病毒引起。手足口病嘅高峰期一般由初夏到秋季。病發時通常會出現發燒、食慾不振、疲倦或喉嚨痛等病徵。
(推薦閱讀:【生病飲食】寶寶腸病毒嘴破都不吃怎麼辦?

發燒後一至兩天,口腔會出現水疱,手掌、腳掌,甚至臀部或生殖器亦會出現帶有小水疱嘅紅疹,一般患者會 7 - 10 天內自行痊癒,如果患者持續高燒、哭鬧不安、嘔吐、呼吸急促、意識糢糊、抽筋等現象時,家長需要即時帶小朋友送到醫院治療。(資料節錄於香港衞生署官網)

孖B孖媽一齊病,可怕手足口病!

孖B孖媽一齊病,可怕手足口病!

首先係平時比較健康嘅細孖中獎,突然發燒,變得非常黐身,而且無晒胃口,唔肯食飯,同埋食唔到平時一半嘅奶量,我哋警覺唔多妥,馬上去附近醫院睇急症,因為當時細孖嘅病徵同感冒差不多(未出現紅疹),所以醫生只係開咗退燒藥同止嘔藥,返到屋企都仲係燒燒退退,第二日一早就衝去小兒科疹所,確診中咗腸病毒,醫生話大孖過兩日都應該會中埋,因為腸病毒嘅傳染力好強,隔離都無用,叫我有心理準備…

孖B孖媽一齊病,可怕手足口病!

孖B孖媽一齊病,可怕手足口病!

結果,大孖真係隔兩日就開始病發,而家細孖亦開始起紅疹,兩隻一齊做咗樹熊BB,細孖胃口仲係好差,完全唔食固體,奶量係平時嘅一半(比之前多返少少),大孖係發燒嗰2日胃口差啲,其餘時間都係照食照玩。

照顧中咗腸病毒嘅小朋友,要注意佢哋嘅體溫,補充多啲水份,同埋多啲休息,孖B前前後後加埋10日好返晒,可以照常返學同出街,但係輪到港媽俾佢哋傳染咗…唔好奇怪,其實大人都會中腸病毒,只係病徵無小朋友咁嚴重啫。
(推薦閱讀:腸病毒不是小孩專利!大人也會中標

而家仲未有疫苗可以預防手足口病,響腸病毒高峰期記得避免帶幼兒去人多嘅地方,勤洗手,家長覺得唔妥就馬上帶佢哋睇醫生啦!

【港媽在台灣的日常生活】授權轉載 原文出處【育兒】可怕的手足口病

延伸閱讀:小孩腸病毒爸媽別慌,把握三多居家護理原則

這篇文章對您是否有幫助?
這篇文章對您是否有幫助?

關於作者

孖B港媽

哈囉,我係一個嫁到台灣嘅80後港媽,有1對可愛孖仔,鍾意行街同煮飯仔,有香港媽咪同台灣奶奶(台譯: 婆婆)教路,同你分享吓我嘅台灣生活!

我要回應

我要留言