寶貝女淨鐘意蔬菜，一繪本主動話想食蛋！

寶貝女屬於偏瘦嗰種，主要嘅原因，相信係佢少食肉類或者雞蛋，淨係鐘意水果蔬菜有關，真係俾佢激死。鐘意食嘢嘅小朋友，可能花多少少心思，整啲花巧嘢，吸引啲，都可能會食多啲，但係呢招對寶貝女一啲都唔work。
(推薦閱讀：超強主婦終極收納術，七招打造無壓力共讀空間！)

奇蹟出現嘞！呢兩日寶貝女突然同媽媽講想食雞蛋，點解嘅？真係好搞笑，食雞蛋原來唔係因為好食，係因為「有需要食」。
(推薦閱讀：閣林魔數邏輯王繪本八大教具該何時使用?用到何時呢?)

100 Things to know about Food呢本書，屬於資訊性嘅書，好多圖畫，用有趣嘅方法表達各種食物嘅重要性，例如邊種食物含有邊有維他命，而唔同嘅維他命又有唔同嘅用途，仲有一啲食物嘅例子添！

寶貝女咁主動話想食蛋，原來係因為維他命Ｄ，佢意識到自己嘅個子唔夠高，需要維他命Ｄ配合鈣質黎幫手骨骼生長，而書入面提嘅例子有魚油同蛋。
（推薦閱讀：【培養全腦型孩子】變聰明的十大食物！）

如果唔係買啱本書，究竟我要識幾多嘢先說服到佢呢？（本身呢方面我係比較弱嘅）不過，我都好開心佢係一個講道理嘅小朋友，自細建立咗呢個習慣，好多事情都慢慢同佢解釋，唔用強硬嘅方法，唔用厄厄氹氹嘅方法，用簡易嘅說話講個事實俾佢聽，等佢能夠明白箇中道理，點都長遠得多掛！

2個追蹤

最愛同媽媽們討論同分享教養心得，交流小朋友嘅happy school life，當然唔少得呢個shopaholic媽媽嘅shopping好介紹啦~

大家都在討論

旅遊不知去哪裡，跟媽媽經放心玩