首頁 » 生活放輕鬆 » 睡眠模式會改變！BB各階段前儀式訓練

睡眠模式會改變！BB各階段前儀式訓練

睡眠模式會改變！BB各階段前儀式訓練
傑。斯與晴  更新於 2019-02-15 
看留言討論

FavoriteLoading收藏文章

小JM轉眼間已經由BB變成幼兒啦，唯一未變既就係臨訓要奶咀「陪訓」。小JM依然會半夜會突然醒左要再搵返個奶咀，之後安慰自己再訓返，但如果咁岩奶咀並唔係手邊觸及得到既範圍內既話，少不免都係會「求救」，甚至會坐起身喊住搵。

小JM仲係小B個陣就會半夜都要奶奶，但而家大左，小JM需要既就會係奶咀，「奶咀」亦隨之成為左小JM既安睡必須品之一。

為左拆解小JM睡眠問題既呢一個「謎」，我呢位新手媽咪亦早已上網搵左啲資料及請教其他媽媽去了解一下，希望可以幫小JM改善一下睡眠質素。

推薦閱讀：5個小時就算睡過夜了！醫生：新生兒好眠先吃飽

睡眠模式

其實每位小朋友都會有唔同既睡眠模式既，而且睡眠模式仲會隨著小朋友既長大而有所改變。正如我地大人一樣，會掛住玩而夜左訓。

原來小朋友既睡眠模式係會跟著成長期而有所轉變，仲明顯地睇得出係會越訓越少添架！為左令小B們可以訓好啲，爸媽們都用盡唔少心力同腦力，務求令小B可以早啲訓。其實爸媽可以從小慢慢為小B培養一個特定既睡眠時間及睡前儀式，令小B知道做齊晒睡前儀式後就係睡眠既時間。日子有功之後，小B就會明白完成睡前儀式就要乖乖訓覺架啦！

睡眠模式會改變！BB各階段前儀式訓練

等我分享一下小JM由BB至幼兒期既睡眠模式啦！

初生～三個月
  • 一日大約訓15個鐘左右；但每次可能只會訓 2 至 3個鐘。
  • 每日訓覺既次數不等，因為BB仲係適應期，嘗試適應係母體外既環境，所以小BB訓覺係不分晝夜架！
三～六個月
  •  每日既睡眠時間會少於15個鐘，而且睡眠時間已經明顯比以前長，可以訓到3至4個鐘。
  • 呢個時期既BB已經開始慢慢適應母體外既環境，而且仲開始慢慢會 On Schedule 咁去食同訓添。
  • BB已經開始習慣左 「夜晚要訓」呢個定律，所以夜晚既睡眠時間明顯比日頭長。
六個月 或 以上
  • 每日依然可以訓上十幾個鐘，每次約 3 至 4 小時左右。
  • BB開始識自己調節睡眠時間。

小提示：

小B已經開始意識到日與夜既存在，可以試著俾小B係日頭訓少啲，玩多啲放下電，等小B夜晚可以更加容易啲入睡。

睡眠模式會改變！BB各階段前儀式訓練

一歲或以上
  • 已經由小B成長為幼兒，晚上既睡眠時間約為10 至 12小時。
  • 因為小B已長大，會識自己調節睡眠時間，所以日頭可能只會小睡兩次，每次約一到兩小時左右。
  • 需要為小B設定一個睡眠時間及睡前儀式。
  • 當睡前儀式完成後就要同小B講晚安，熄燈/調暗。

小提示：

當小B踏入幼兒期，健康院姑娘及醫生都會建議爸媽唔再俾小B用奶樽飲奶，以免養成壞習慣，而且有機會更易夜半醒來，如果唔好好戒掉壞習慣，以後要改就更難了。

一歲半或以上
  • 越接近Trouble Two，小B就會越難專心入睡（長輩會俗稱為「心野」）
  • 小B會嘗試調節自己既睡眠時間，有時日間只會小睡一次，時間約1小時左右。

小提示：

切記臨訓前同小B玩得太興奮，以致小B們難以入睡。臨訓前可以同小B「傾計」、講Bed Time Story，但不宜做一啲過份激烈既玩意，因為之後要小B將興奮既心情收拾好去睡覺係一件好難既事！
小B唔夠訓都有影響？
我地大人唔夠訓個人都會忟忟憎憎，好易嬲係咪先？其實小B都一樣有情緒，一樣會好似我地大人咁因為唔夠訓太攰而會比較容易造成情緒上既波動，例如會比較容易哭鬧、忟憎同易扭計一啲。而健康院醫生同姑娘亦都會提倡要小B們早睡，因為無足夠既休息及睡眠時間既話係會影響到BB既食慾、新陳代謝同吸收，係直接影響到BB既健康成長添！而且睡眠不足亦都會間接影響到學習架！

推薦閱讀：幼童該幾點上床睡覺？睡眠不足阻大腦發展

小JM「睡眠儀式」分享

由小JM 初生到而家都試過好多種唔同既方法，而且隨著小JM越來越大之後，有啲方法亦好快變得 “唔Work” ，所以當爸媽既就只好不停的變更方法，務求令小B快快安穩入睡。

睡眠模式會改變！BB各階段前儀式訓練

BB時期既「睡前儀式」

  1. 臨訓前一個鐘沖涼
  2. 沖涼後按摩
  3. 食奶及抹口
  4. 用包被包住以增加安全
  5. 聽住「白嘈音」來訓
  6. 較暗啲燈光

個人認為將燈光較暗係好重要，因為要令BB知道日夜之分，天黑就要乖乖訓覺。

睡眠模式會改變！BB各階段前儀式訓練

幼兒時期既「睡前儀式」

  1. 臨訓前一個鐘沖涼
  2. 拎埋陪訓奶咀
  3. 刷牙
  4. 入睡房準備開始Bed Time Story
  5. Kiss Good Night
  6. 熄燈訓

推薦閱讀：寶寶自行入睡，媽媽心情好美麗

自從小JM懂事後，我地已經教會小JM沖完涼後玩多陣就刷牙仔，再去自己拎奶咀入房訓，所以每當小JM知道要拎奶咀就知道要入房訓，有時見到未開房門仲反而會叫我地：「開門、開門，BB噯噯豬」

通常入到房我都會問小JM要唔要一齊睇書講故事，我買左幾套細細本既小小書放左係床頭附近，每晚睇唔同既故事，一齊學習新既故事同事物。睇完故事我地就會準備訓覺。臨訓前會講「Good Night」再來多個Good night Kiss。之後就會正式熄燈訓。

當然，小JM都會有唔合作既時候，但我地就一於好少理，會同小JM講： 爸爸媽媽噯噯豬啦，唔玩啦。晚安。通常講完後我地兩個都會「扮訓」，小JM見到我地都訓晒之後自己都會好乖乖去訓。

睡前儀式係小B們學習成長既重要一環，可以令小B從小培養出早睡早起既好習慣。更有助令小B們容易入睡，而且睡前既Bed Time Story 時間仲有助促進親子互動同感情添。

你地小B又有無一套特有既睡眠模式呢？又會唔會同小JM一樣有「睡前儀式」來幫助入睡？不如一齊來分享一下。
【傑。斯與晴 】授權轉載 原文出處【小B的「睡眠模式」與「睡前儀式」】

關於作者與本篇文章

傑。斯與晴

在職80後情人節媽媽與元宵節寶寶。
新手媽媽細數生活中點滴動人時光，
紀錄及分享育兒小心得、親子旅行及購物分享。
如果有任何查詢/合作想搵我或者Jolie，
歡迎去我們的FB專頁https://www.facebook.com/cjoliema0222/
又或者email到: [email protected]

看作者所有文章

我要回應

我要留言

推薦閱讀