芳療師教你 自製舒壓療愈用品 爸媽口袋必備 :舒背按摩油

收藏文章

Aroma Therapy 兩個字的定義，其實就係利用精油來增進我們心理、生理健康，隨著生活水平提高，大家都愈來愈注重天然同埋健康，讓我們慢慢一起理解芳療，活用芳療，把精油芳香療法融入生活當中。

香港人工作時間長冠絕全球，無論係久坐定久站，都會引起身體一起症狀。如果長期姿勢不良，壓力過大，更容易有肩頸痠痛等問題。 

坐嘅時間太長，上身使用過度，訓得唔好，肌肉休息得唔足夠，都係常見做成背痛嘅原因。

係按摩油中加入薰衣草精油可以鎮定消炎，舒緩肌肉痛。加上薰衣草精油嘅獨特氣息還可以幫助睡眠，好岩大家每天日常使用。

做法簡單，只需2步，大家都可以DIY一支你的舒背按摩油來日常應用。

工具:

玻璃量杯一個

30ml遮光樽一個

村料:

A. 基底油

葵花籽油Sunflower Oil – 15ml

荷荷芭油 Jojoba Oil – 10ml

橄欖油Extra Virgin Olive Oil – 5ml

B. 精油

薰衣草精油 True Lavender Essential Oil – 8drops

天竺葵精油Geranium Essential Oil – 6drops

甜橙精油 Orange Essential Oil – 4drops

做法:

首先將A.基底油，按份量加入30ml遮光樽中

再把B. 精油加入，然後蓋緊樽蓋，以「開奶」前後推轉嘅方式搖勺整樽。

如果想再簡單一點，可以使用含有冬青、丁香、蠟菊、薄荷嘅複方精油，配合加入市面上有售的一些綜合純植物油內，以相同基底油及精油比例，亦可DIY成你嘅舒背按摩油。提提大家要留意此複方精油不適合6歲以下的兒童使用。

以下為大家介紹按摩手法，幾個步驟消除肩頸痠痛, 令肩頸背唔洗再硬梆梆。

Step 1 按摩開始：雙手上搽舒背按摩油後，稍微搓揉加熱，以四根手指指腹從頸部後方向兩面肩膀按摩，左手按壓右側，右手按壓左側，來回約3~5次。

慢慢讓肌膚開始滋潤，令身體合作知道要準備開始按摩囉。

Step 2 按揉肩部：手指指腹以畫圓的方式稍加施力來按揉肩膀，依痠痛狀態，可重複多次。

Step 3 從頸部按揉至上臂： 頸、肩、上臂，以按揉的方式揉壓。 

Step 4 按壓肩部的穴道「肩井穴」： 按壓位在頸根部與肩頭正中間嘅「 肩井穴」。慢慢地施加力道按壓3～5秒。 

P.S. 如果肌膚客易敏感，請大家先在手臂下的小部份皮膚作測試，然後塗抺於所需部位。在手臂下嘅小部份皮膚先作測試，之後沒有任何特別問題，再塗抺於所需部位。

孖媽開心share芳療小貼士:

加強舒緩功效

如果想加強舒緩功效，可以將天竺葵精油Geranium Essential Oil 換成馬鬱蘭精油Marjoram Essential Oil，由於Marjoram能擴張動脈、帶動局部血液循環，有效減輕肌肉僵硬同埋疼痛。

加強止痛功效

如果想加強止痛效果，可以將甜橙精油 Orange Essential Oil 換成尤加利精油Eucalyptus Globulus Essential Oil，因為Eucalyptus Globulus具有抗菌效果、同時亦可以減輕筋膜、肌肉痠痛。

花草植物能量，正正就是大自然賜予我們身心療愈嘅妙方，透過植物讓我們親身感受到大地之母嘅恩賜，心存感恩，只要你相信，能量無處不在，只要你喜悅，幸福無處不在，只要你感恩，能量無處不在，好事無處不在。

孖媽亦希望跟大家一起可以踏踏實實將芳療同精油在生活層面上應用到。所以亦會毫不私藏，慢慢介紹，大家只要輕輕鬆鬆跟著，一起來照顧好自己同家人、朋友嘅身體，提昇大家 身 心 靈!

請緊記把你親手DIY嘅舒背按摩油存放在乾燥無陽光照射到嘅地方，仲要記住每次使用完整都要扭實個蓋呀!

我和孖寶的Facebook Page: 荔枝與孖寶