【免費限定活動】玩具反斗城 Toy Fair。超多嘢玩。玩足1日

收藏文章

**醒目貼士**

入場記得領取小冊子，完成每項遊戲可獲蓋印一個，只要集齊當中8個玩具品牌的蓋印，即可換領傑菲故事書一本。

 

 

我哋成功集齊咗8個玩具品牌蓋印，換到傑菲故事書一本，你睇下和牛B幾開心，一收到即刻打開嚟睇啦。

 

 

 

未入到門口，就已經見到高2米身型龐大嘅Super Wing杰特喺半空中矗立。

 

 

旁邊仲有1.5 米高的Majorette 戰車賽道，戰車賽道做得好細緻，就連場景入面嘅紅綠燈都係會轉燈嘅。有三個唔同嘅玩樂區，而每個玩樂區都會有職員教導小朋友玩。

 

有車仔、有火車。而火車仲會自動郁，真係好吸引呀!!

 

~必到嘅影相打卡位~

Slimy 鬼口水系列

呢堆青BB嘅鬼口水，令我諗起Ghost Buster呀~

 

鬼口水獨有的質感，可讓小朋友即場創作不同形態及形狀的趣緻設計，發揮小朋友的創意。

起初和牛B都唔敢玩，佢覺得個感覺唔舒服。

 

最後佢都願意落水去玩，仲玩到唔捨得走添呀。

 

唔講唔知，原來鬼口水都有唔同質感o架，有啲好水、有啲好硬、有啲好彈。顏色仲有好多種，仲可以有閃粉添o架，其實鬼口水都幾靚丫~

 

Globber滑板車

滑板車係小朋友最愛嘅遊戲之一，而家小朋友仲可以喺5米長色彩繽紛嘅跑道上免費試玩。

 

Turning Mecard 魔車戰魂格鬥場

相信係男孩最愛嘅對戰遊戲之一，喺格鬥嘅賽道上，與對手拎出變身小車即場比拼。

Hatchimals + Kinetic Sand

有三種色嘅動力沙沙盒入面，仲有迷你魔法蛋、魔法寵物造型公仔

 

和牛B第一次玩動力沙，好好玩呀，而且啲沙一啲都唔痴手，仲好容易處理。

亦可以做到好多造型，真係好好玩，顏色都有唔少選擇添呀。

第一次見到UFO呀!! 我同和牛B都睇到唔捨得走，仲忍唔住買咗佢返屋企添呀

佢唔需要電池、不洗遙控就可以喺空中飄浮，真係好神奇呀!! 

 

另外，7、13及14日都會有卡通人物見面會、大巡遊及表演添呀！