首頁 » 作家投稿 » 生活放輕鬆 » 【和牛媽媽手工班】在家抗疫生活。復活節蛋畫創作 x 環保創作 | 第二篇

【和牛媽媽手工班】在家抗疫生活。復活節蛋畫創作 x 環保創作 | 第二篇

和牛b媽媽 發表於 2022-04-11 
看留言討論

FavoriteLoading收藏文章

就快又來到復活節，往年復活節都會有唔少活動舉辦。
例如尋找復活蛋 (掘蛋)、復活節故事等。
 
因為疫情，呢啲活動已經唔可能舉行。
 
今年我就同兩個寶貝女，提早喺屋企進行復活節興趣班活動。
 
和牛B玩完之後，已經再同我講想再玩!!佢話佢有好多靈感，想快啲再創作蛋畫。
 

 
今次嘅興趣班「蛋畫創作」，有個「蛋」字一定同蛋有關啦~
材料好簡單，就係需要蛋殼數個、食用色素、畫紙、漿糊。
 

^ 洗乾淨蛋殼，清水浸過蛋殼，加入數滴食用色素 (顏色深、淺，隨個人喜好)，浸至少6小時或以上。
 

 
其實今次都係環保創作之一，平時煮蛋，蛋殼通常都會隨手扔掉。
而家可以洗乾淨蛋殼，染色，風乾就可以進行創作。
 

^ 因為想蛋畫畫面豐富啲，所以我盡量染咗6隻唔同顏色俾佢哋創作。
 
今次嘅蛋畫，除咗可以讓小朋友發揮創意之外，仲可以訓練小朋友手指肌肉發展、手眼協調。
 

^ 訓練小朋友手指肌肉發展
 
首先，喺畫紙上畫好蛋形。
再塗上適量漿糊，方便黏上蛋殼碎。
 

 
揀選鍾意嘅顏色，用手指將蛋殼搣成小碎片，再黏到畫紙上。
 

 

^ 用手指將蛋殼搣成小碎片
 

^ 再將蛋殼碎，黏到畫紙上。
 

^ 妹妹唔鍾意漿糊黏住手指嘅感覺 (哈)
 
最後，可以喺畫紙空白地方填顏色或者畫圖畫都可以。
 

^ 呢一幅完全係和牛B自己畫嘅圖畫，好可愛呢!
 
佢哋專注地創作，大人就可以輕鬆喺旁邊指導一下。
寧靜地過咗30分鐘至一小時~
 

 
<作品分享>
 

^ 妹妹作品 (2Y1M)
 

^ 和牛B作品 (6Y11M)
 
我自己自細就好鍾意畫畫、藝術創作、手工藝，所以都希望將自己嘅興趣分享俾自己兩個寶貝女。
 
因為畫畫、創作能夠抒發自己內心嘅情感。
我立場係小朋友參興藝術，並非一定要攞獎先有作為。
 
今個復活節，大家都可以試下同小朋友一齊玩哦~
 
 
【在家抗疫生活】媽媽減壓的減壓球的做法
【在家抗疫生活】Messy Play。仿真雪、學ABC與認知
【在家抗疫生活】Messy Play。Painting 污糟貓 | 創意畫室【和牛媽媽手工班】在家抗疫生活。輕鬆在家做彩沙瓶 x 消磨時間 | 第一篇
 
============================

記得Follow埋我哋Facebook、MeWe同Instagram呀

https://www.facebook.com/80smami
https://mewe.com/p/和牛b的成長日記
http://www.instagram.com/wagyubmami/

============================

我的網店C.Mozo Store
https://cmozostore.mallogram.com/zh-hk/

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀

【宜蘭綠舞日式主題之旅】✨超值2大一小極景客房✨ 原價$13,596下殺約43折只需$5388元‼ 日式主題度假飯店，揪團偽出國！

【宜蘭綠舞日式主題之旅】✨超值2大一小極景客房✨ 原價$13,596下殺約43折只需$5388元‼ 日式主題度假飯店，揪團偽出國！

放心玩 發表於 2025-10-20 

宜蘭住宿推薦|【綠舞日式主題之旅】占地5.75公頃日式庭園主題飯店✨，不必出國也能感受濃厚的日式風情🎌不僅擁有美...

{桃園景點} Baby City娃娃城桃園旗艦店盛大開幕！內建貝親奶瓶Lab. 為寶貝製作獨一無二的奶瓶，還有專屬刺繡和Baby café，真的很好買！

{桃園景點} Baby City娃娃城桃園旗艦店盛大開幕！內建貝親奶瓶Lab. 為寶貝製作獨一無二的奶瓶，還有專屬刺繡和Baby café，真的很好買！

別讓一姐不開心 發表於 2025-09-27 

{桃園景點} Baby City娃娃城桃園旗艦店盛大開幕！內建貝親奶瓶Lab. 為寶貝製作獨一無二的奶瓶，還有專...