【喬喬妹妹養育記0M】家有二寶，第一次帶細bb返屋企有咩做?

收藏文章

妹妹喬喬未出世前，我有位有兩個小朋友嘅媽咪同我講，喺bb出世要買定份禮物送比大既小朋友，因為哥哥皓皓鍾意車車所以我一早買咗。最後我哋同妹妹Day1入屋就代妹妹送比哥哥，最緊要講「係妹妹送比你嫁」，咁皓皓就會比較容易接受妹妹。

唔知係咪上面原因，哥哥初頭的確對妹妹唔反應，除咗送玩具，我哋都會叫皓皓幫手湊妹妹，好似拎紗巾同拎玩具咁。

不過到後來哥哥都有過一啲唔鍾意嘅行為，好似趁我哋唔覺意打妹妹隻腳，所以我哋都全天候睇曬，幸好皓皓都總有掛住妹妹既時候，日頭起身佢見喬喬訓緊會望吓佢，見到佢踢曬張被又會幫佢蓋。到夜晚我會先哄皓皓訓，而婆婆就睇住喬喬，係房既皓皓就會指住門口嗌「bb！」。

其實照顧二寶係體力上嘅辛苦，但真正要處理二寶相處上問題先係高深學問，所以我都好佩服每位全職媽咪在家湊兩個甚至更多小朋友，更何況一個全職媽咪絕對唔係只有照顧小朋友嘅起居飲食咁簡單，識得欣賞身邊既全職媽咪先係最重要！

 

 

——————————–

唔好錯過我哋親子育兒同每週食譜分享！

快啲like及搶先看我哋專頁！Kylife與二寶之日常

快啲加入懶人食譜Group，齊齊分享！shorturl.at/alLM0

記得追蹤埋我哋IG呀！kylife.babies

———————————-