【放電好去處】九龍區摩士公園。八個遊戲區，玩滑梯打鞦韆。超放電!
天氣好嘅時候，我都會盡量安排戶外活動俾和牛B。
讓和牛B可以吸呼新鮮空氣，曬多啲太陽，吸收維他命D，睇多啲綠色嘢。
今次，我哋嚟到九龍區樂富與黃大仙交界嘅「 摩 士 公 園 」。
呢個地點，如果搭地鐵去黃大仙站又或樂富站落車，都一樣需要步行大約10分鐘，路程亦都差唔多。
摩士公園其實分咗四個部分，有一號、二號、三號及四號。而我哋今次主要係去三號公園玩，因為已經好夠放電了!
三號公園入面嘅兒童遊樂場區域，分成咗八個小區。六個鞦韆、八條滑梯，攀爬類嘅遊戲組亦都有唔少。
我哋從鳳舞街近摩士體育館入口進入，途經會見到公廁及小食亭。
而兒童遊樂場附近都有一個公廁，仲有育嬰室。
第一區，適合幼兒嘅滑梯遊戲組，旁途仲有軚盤遊戲及鼓。
可以作親子互動嘅圓圈板。
唔會太斜或太高，有少少波浪形嘅滑梯。
旁邊仲有訓練小朋友平衡、力量、膽量嘅搖搖遊戲組。
小朋友要靠自己運用力量，將重心轉移，令到搖搖裝置郁動，彈下彈下。
第二區，有一支圓柱體，企上站台，家長在旁幫忙轉動，佢係迷你版嘅氹氹轉遊戲。
旁途仲有三隻搖馬遊戲組。
第三區 – 鞦韆區，鞦韆分咗幼兒款(有個兜型)同一般嘅款式。
幼兒款鞦韆一組有兩個，一般鞦韆有兩組共四個。
準備進入第四區至六區嘅兒童遊樂區了。
呢個區嘅遊戲組適合4歲以上小童，有攀架、斜台板、滑梯三條等。
斜台板附有一條鐵鏈，輔助小朋友登上遊戲區，旁邊仲有條滑梯。
力量型遊戲攀架，和牛B當然未夠力支撐、同未夠高去玩啦~
另一邊仲有仿石梯嘅膠質樓梯。
淨係樓梯，呢一組遊戲組都有三個款式。
呢到亦都有軚盤遊戲組
滑梯組有三條，最後一組就喺了。
第五區 – 幼兒與兒童嘅遊樂區
八個小區入面，呢個區有兩條滑梯，一條短滑梯，而最高就係呢一條黃色滑梯了。
要上去瀡滑梯，首先要通過體力考驗。
和牛B剛剛夠高、夠力氣，自己爬上去呀。
第六區 – 幼兒遊樂區
此區滑梯組都係比較短同埋設計得比較矮身，所以好適合幼兒遊玩，而滑梯組有兩條。
行過天橋就會見到另一條滑梯。
第七區 – 啟發小朋友音樂天份
此區嘅遊戲同音樂有密切關係，有鼓、有叮叮琴。
第八區 – 搖搖板，呢個款式嘅搖搖板，可以俾4個小朋友玩。
打交叉方式進行遊戲
假日想戶外活動，跑跑跳跳，公園夠大確實好重要。
摩士公園嘅設施，可以話好多又唔算係超多，好少又唔係，市區嚟講呢到活動空間好大。
嚟到呢到，和牛B真係放咗唔少電，同埋好開心。
去完公園玩，仲需要留返啲氣力離開公園呀~
前往方法：
文中都有提及摩士公園位於樂富與黃大仙中間，如果搭港鐵嘅話兩個站都去得到。
而喺正摩士公園門口落車嘅巴士有:
1/ 11K/ 113/ 7
近摩士公園泳池落嘅巴士：
2F, 3C, 258D, 259D, 268C, 269C, 38, 40, 42C, 89, 80, 89B, 61X, 74A, 75X, 84M
*不過落車都需要步行大約5分鐘，但相對比黃大仙港鐵站行過去會近咗少少腳程。
————————————————–
歡迎聯絡我&和牛B: [email protected]
Facebook專頁: 和牛B嘅成長專頁
Instagram: wagyubmami
————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
關於作者與本篇文章
6個追蹤 和牛b媽媽
在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。
推薦閱讀
旅遊不知去哪裡，跟媽媽經放心玩
放假跟著媽媽經一起放心玩，精選台灣各地高CP值渡假飯店，為每一個家庭帶來快樂十足的親子假期！
【台中西區美食】成真咖啡 Come True CAFE 廣三SOGO店｜絕美綠意空間，品嚐冠軍咖啡與療癒舒芙蕾，讓美好循環成真！
成真咖啡 Come True CAFE 又開新據點了，這次選在台中廣三SOGO百貨二樓，於5月1日盛大開幕 。無...
茶香相伴 皓皓在小作所重拾自信
（圖說：在教保員沈綵蓉(左)的協助下，皓皓泡出茶香濃郁的一壺茶，證明自己能夠勝任這份工作。） ...
{澳門景點}荔枝碗船廠片區／澳門最新親子免費景點，超高兩層樓超攀溜滑梯，還有許多造船多媒體互動設施，絕對是澳門路環必遊景點
{澳門景點}荔枝碗船廠片區／澳門最新親子免費景點，超高兩層樓超攀溜滑梯，還有許多造船多媒體互動設施，絕對是澳門路...
{澳門美食}澳門手信推薦：全澳門最好吃的杏仁餅「最香餅家」，採用手工傳統炭火烘焙，超值得一吃，記得到櫃檯買盒裝喔！
{澳門美食}澳門手信推薦：全澳門最好吃的杏仁餅「最香餅家」，採用手工傳統炭火烘焙，超值得一吃，記得到櫃檯買盒裝喔...
勇闖人生迷宮 用「選擇」貼近障礙者的日常
（圖說：伊甸第12屆「無障礙生活節」台中場，邀請民眾勇闖「人生迷宮」，思考每個抉擇時刻。） ...
我要回應