收藏文章
其實香港仲有好多免費又好玩嘅放電場所，室內室外我都鍾意去。
今次我哋就去咗位於九龍灣嘅「九龍灣公園」，位置於九龍灣啟業邨及工廈中間。
離開公園，步行大概10-15分鐘就可以到達零碳天地或MegaBox。
市區嚟講公園嘅遊玩設施、空間都算大。
亦設有鞦韆區、幼兒區等不同嘅遊樂設施。公園滑梯超多，多到唔肯定自己有無數錯，公園入面大概有7條滑梯。
鞦韆區 – 有4個鞦韆供遊玩。
不過，呢到就無適合幼兒玩嘅安全鞦韆。
公園空間足夠，背後仲有商廈做背景，影相都幾靚呀~
公園嘅遊樂設施，有兩組較適合幼兒。
鋼網隧道，可訓練小朋友膽量及手腳。
同一組嘅遊戲，另一邊嘅設施。
而另一組我認為適合幼兒嘅遊戲，有兩組滑梯。
與聲音有關嘅遊戲
仲有望遠鏡遊戲
兩組滑梯組。
另外嘅設施，攀爬架/ 設施比較多，滑梯亦比較高身。
有普通拱形橋，亦有吊橋。
遊戲設施都係可以連接相通，滑梯超多嘅公園。
不少鍛鍊手、腳肌肉嘅遊戲設施。
呢個遊戲，和牛b都係第一次願意甩開我雙手自己行。
和牛b終於成功挑戰，鍛鍊眼、腳協調。
而公園我覺得最好玩就係呢條滑梯，入口係一齊，但係滑到底係分開嘅。
和牛b覺得超好玩，足足玩咗超過6次。
場內設施
公園內仲設有男、 女洗手間
前往方法
九龍灣港鐵站專線小巴51M或步行15分鐘。
溫馨提示
我哋當日係早上大概10時左右，陽光都好猛烈。
所以戶外活動，還是建議預先替小朋友搽上防曬、防蚊措施。
定時避太陽及飲足夠嘅水。
【九龍灣公園】
地址：九龍九龍灣啟禮道18號
————————————————–
歡迎聯絡我&和牛B: [email protected]
Facebook專頁: 和牛B嘅成長專頁
Instagram: wagyubmami
————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
我要回應