日本沖繩自駕遊，第一次親子旅行就上手
今次第一次帶和牛B搭飛機去日本沖繩，三個家庭行程係7日6夜親子旅行。（推薦閱讀：小小孩日本行，行李不變重的副食品救急全攻略）
航班比原定時間Delay咗一個鐘頭，所以行程有點打亂了。落機後，我哋馬上去租車公司辦理攞車手續，完成手續大概下午2時多，就馬上出發第一個親子旅行-日本行程「醫肚」。
TomiTon 商場有多間大型購物店（鞋舖、運動用品專門店、DAISO、超市），至於食店都有好幾間，有AW快餐店、烏冬店、そば（蕎麥麵）店都有好多間。仲有一間精品店專賣New Born慶生嘅禮物，尿片蛋糕，價錢一啲都唔貴，幾百円就有一份實用又有心思嘅禮物。
我哋揀了はなまるうどん（讃岐烏冬），我點咗一個Set（約¥580），有咖哩飯及烏冬，我可以用同和牛B Share，而老公就揀咗一個M Size嘅牛肉烏冬（約¥550），另外再加了天婦羅炸物。
即叫即煮嘅烏冬，好有咬口。
商場中央部份又好多餐台供客人使用，最中央部份更是小朋友嘅樂土，遊樂設施玩樂組。
仲有BB櫈提供，超級窩心。
進入遊戲區前，記得除鞋呀。
建設得比較高的木製玩樂設施，年幼嘅和牛B都需要協助先可以攀上去遊玩。
有一條橙色的滑梯
另有兩組紅色嘅爬梯。和牛B第一次爬就學識了，學習了爬梯嘅技巧及姿勢，可以訓練手腳肌肉。
除咗餐廳，仲有一間Coffee Shop，有種令人響往嘅日本太太生活，一邊嘆咖啡，一邊看著子女在旁邊的遊樂設施玩。
除了兒童遊樂設施，旁邊亦有電動遊戲車，不過當日兩架車都待修。不過小朋友都好少理，依然玩得開心。
好多扭蛋機！！！日本真係好邪惡，就連食店都設有大量扭蛋機！
食飽過後，到了對面嘅「ASHIBINAA」Outlet Mall （沖縄アウトレットモールあしびなー）閒逛，而我重點介紹的就是森林家族專門店（Sylvanian Families）。
見到門面已經興奮到要尖叫！門面裝飾已轉換成Halloween的造型，超可愛嘅朱古力兔姐姐著上萬聖節小魔女裝， 旁途仲有細小小嘅朱古力兔扮小鬼，超級可愛呀！
入面有好多貨款，有啲精品香港亦冇得買。
而香港有賣嘅貨，仲平過香港添呀！森林家族Fans真係會打爆個喼返香港！
不定期都會有優惠，比香港更平！
而店入面有一個好窩心嘅兒童遊樂區，有兩間森林家族小屋同埋配件、公仔俾小朋友玩。進入遊戲區，記得先除鞋。
呢間大屋真係超心動！（¥10,999約HKD770）香港我記得我冇見過呢間屋。
店入面亦都有兩隻著上萬聖節服飾嘅朱古力兔，和牛B超級開心！因為可以近距離同佢哋影相。
完森林家族，已經黃昏了。Outlet入面有好架美食車，雖然只係一個賣嘢食嘅Van仔，但係唔知點解係日本嘅都得別靚！因為佢哋做嘅設計、裝飾都非常細緻。(推薦閱讀：【親子遊旅遊】沖繩海洋博公園看海豚表演！)
有熟食、有透心涼嘅刨冰！
第一日嘅行程，我嘅戰利品唔算好多，買咗呢個蕃茄樹屋俾和牛B。
一班朋友去旅行，其實真係好開心好快樂！同齡嘅佢哋，各自有唔同嘅性格，都係活潑健康同可愛，所以太活潑啦，想有一張似樣嘅三人合照都真係好難！
晚晚都開Party嘅感覺，真係好開心！
重點：
沖繩有好多地方都係提供免費泊車服務，同香港好唔同。所以慳咗唔少泊車嘅錢，而且普遍都有好多車位。
〒901-0225 沖縄県豊見城市豊崎1-411
TEL：098-995-8595
〒901-0225 沖縄県豊見城市豊崎1-188
TEL:098-891-6000
〒901-0225 沖縄県豊見城市豊崎1-188（Shop no.2580）
Tel：098-987-0545
營業時間：10am – 8pm
延伸閱讀：【沖繩親子自駕遊】親子齊玩 x 裝飾好味雪糕 x 少女味 @ Blue Seal x Ice Park
關於作者與本篇文章
6個追蹤 和牛b媽媽
在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。
旅遊不知去哪裡，跟媽媽經放心玩
放假跟著媽媽經一起放心玩，精選台灣各地高CP值渡假飯店，為每一個家庭帶來快樂十足的親子假期！
與伊甸同行40年 許秀柱續唱恩典
文｜朱聖恩 攝影｜陳韋儒 不知不覺 我們走了好遠好遠 告別了青春年少 走入金色華...
作伙來圍爐！陪伴是最好的佐料
文 | 謝馨霈 攝影 | 蔡佳真 歲末年初，家家戶戶飄出的飯菜香，準備團聚...
現代學童必備|守護寶貝晶亮有神| iHDoc®頂級兒童DHA+葉黃素
現在的孩子和我們以前的學習方式已經大大不同了過去我們如果需要戴眼鏡的視力問題真的幾乎是自找的但現在可就不一定了，...
【台中西區美食】稻·麥食堂｜隱身巷弄的深夜食堂！高質感創意日式居酒屋，必點「炙燒Choice牛丼飯」與「滿滿蛤蜊烏龍麵」，每一口都是銷魂美味
說到台中西區的隱藏版美食，這家位在巷弄裡的 【稻·麥食堂】 絕對要在你的口袋名單裡！這裡不僅是一間...
{台中美食}從花蓮紅到台中｜九壽司開幕實訪：炙燒壽司、生魚片、炸物全制霸
{台中美食}從花蓮紅到台中｜九壽司開幕實訪：炙燒壽司、生魚片、炸物全制霸來自花蓮的人氣日式料理品牌 九壽司， 近...
我要回應