收藏文章筋肉寶寶由出世到宜家接近20個月大，我大概只有一兩晚係可以一教訓天光，最近喺我哋搬屋後情況更加嚴重加劇，試過一晚醒十幾廿次！
每當依個時候我哋都會檢查好一切有機會令到佢唔舒服的原因，例如衫仔有嘢整到佢，係咪凍親或者熱親，打針後發燒唔舒服，肚餓等等！
最近我同朋友傾開依個問題，佢反問我會唔會有機會係熱氣，搞到訓得唔舒服？而且依個時候筋肉寶寶咁岩塊面生咗粒BB瘡，所以我都聽佢講去了解吓開奶茶！
「開奶茶」我一直以為係等BB食奶食好D，但原來唔係咁簡單！開奶茶係BB版涼茶，多數因為BB夜晚成日喊、熱氣又或者食奶唔係太好的父母會買嚟比BB飲，以下先溫馨提示大家！
我睇返衛生署網站，開奶茶當中用的藥材有機會服後會有不良反應：過敏、嘔吐等等，所以我哋都唔夠膽比佢飲太多，而另外，如果你亦考慮買都要問清楚有關人士，自己小朋友係咪真係飲得！
講返我哋去到中醫度都有先了解BB飲唔飲得，份量幾多，點煲等等。一開始比佢飲第一次日都唔覺有咩分別，係飲多兩三次開始發覺佢面上面的BB瘡謝返，夜晚醒少咗一兩次，見佢有少少好轉我就無繼續比佢飲啦。
其實我識好多家長都話BB愈大會愈訓得好，又或者婆婆會同我講佢大大下會訓得好嫁啦！不過筋肉寶寶表現係非常漂忽，時好時壞，我哋自己都要再為佢安排活動，例如放電、陪佢跑跑、食飽飽等，等佢好訓D，我哋就有得訓啦！
另外分享比大家，頭先講過的BB瘡千萬唔好幫BB唧，以免會令佢皮膚上留低暗瘡印，最緊要保持佢的清潔亁爽，等瘡慢慢自然謝返，咁就ok嫁啦！以下依張係粒瘡仔謝返既相！
想知道關於餵母乳的問題或公立醫院產檢及分娩，歡迎嚟我專頁PM我嫁！
想睇二寶日常點滴、親子好去處、淘寶好物，就記得follow我哋啦！
Instagram：IG連結 專頁：Kylife與二寶之日常
我哋專頁內爆like post分享
媽媽再嘗試 X 零難度BB芝士蛋飯糰https://bit.ly/2P5R37i
媽媽初嘗試 X 零難度BB版Pancakehttps://bit.ly/2D7NCbA
媽媽又嚟煮 X 筋肉寶寶超like芝士蔬菜雞蛋卷 http://bit.ly/2IMNfHi
明愛慈善買 X 20蚊BB單車 X 筋肉寶寶新玩具 http://bit.ly/2FbEGnc
裝修完畢大公開 X 與你分享 X 二寶之家 http://bit.ly/2OZ8K8D
#荷花2019春季BB展VIP媽媽 # 專欄分享#
#親子01 #Cook1cook #Ohpama! #Sundaykiss #Presslogic #媽媽經 #Mercury
我要回應