【親子餐廳】非洲大草原主題。好玩遊戲區x波波池

收藏文章

售票處，可以喺呢到登記安排進入餐廳。

進入餐廳/ 遊戲區前都要搽上消毒搓手液，清潔雙手。

餐廳部份，都有至少四十多張台，亦有一間Party Room。

Party Room都一樣，不失大草原嘅主題氣氛。

遊戲區

進入遊戲區，記得要除鞋及穿上襪子，如果無著襪嘅話，可向職員購買襪子，每對$10。

除咗鞋，記得放好入鞋櫃呀。

對面有啲好可愛嘅小朋友櫈，俾小朋友坐低除/ 著鞋。

非洲大草原主題，有樹屋、有動物。

一堆馬仔、斑馬、獅，小朋友可以坐上馬仔到遊走地下迷宮區。

機關重重嘅遊戲區，佢哋兩父女喺到做梗乜呢?

原來佢哋不停將波波放入個窿入面，係想集齊多啲波波，再按機關掣，啲波波就會從天而降啦！

每間Playhouse PlayCafe都有嘅三色彩虹滑梯，登上滑梯口都幾個通道，今次和牛B揀咗呢條有障礙物嘅斜樓梯上，另外一邊亦有樓梯可以登上上層。

幼兒玩具區，如果BB太細的話，都有幼兒玩具。

又或者跳波波池跳到攰，稍作休息，玩較靜態嘅玩具。

遊戲區有唔少障礙物遊戲，又上又落，又有獨木橋，訓練平衡力。成個場嘅遊戲都係力量形，好有鍛鍊嘅功效，真係好攰呀！

重點就是藍白色波海的波波池，仲有長頸鹿陪你玩波波池。

發電吹波波山，按掣就可以啟動吹氣功能，不停將波波投入窿窿到，就可以不停將波波噴返出嚟。

地下同上層都有迷宮玩，大人要追住小人玩，真係好攰呀！！(哈)

下層嘅迷宮，和牛B仲驚喜發現咗Mickey Mouse呀！！

上層有透明膠板天橋，讓小朋友挑戰一下膽量啦。

仲有彈床跳，和牛B真係好鍾意跳彈床，你睇下佢玩得幾開心。

有動，當然有靜，餐廳入面亦有唔少好玩嘅玩具俾小朋友拎埋位到玩，真係去到邊都有得玩呀！

**玩完之後，記得收拾好，放回原處呀。

即叫即做美食

落單好方便，可以直接去收銀處到落單，食物款式都好多，旁邊仲有甜品櫃。

落單後，職員會俾一個提示牌俾你，如果閃燈同震機即係食物有得拎啦~

啲冬甩好可愛呀！！！！

飲品方面，除咗餐廳製作嘅飲品外，仲有樽裝飲品。

食物方面，我覺得好好味，因為全部都係新鮮即叫即做，所以熱辣辣，份量都係好足料嘅。

忌廉汁卡邦尼意粉

芝士蒜蓉包

夏威夷Pizza

兒童餐 – 肉醬螺絲粉 + 粟米 + 芝士蛋糕 + 生果及蘋果汁

焗蜜糖雞翼

芝士牛油焗粟米粒

香蕉船 – 入面係朱古力、雲呢拿、士多啤梨雪糕。

餐廳設施

所有餐具都係自助形式嘅，餐廳提供紙碟、紙碗、膠叉、膠匙、膠刀、紙杯、紙巾、醬料等。

另外，仲有即棄口水肩提供，超方便呢！

仲有提供好多張BB櫈。

育嬰設施

餐廳入面有提供尿片，由NB碼至XL碼都有提供，仲有提供濕紙巾。

至於換片台，就要去到出去餐廳外，鄰近女洗手間內設有2張換片台 (餐廳對面嘅Namco旁邊轉入去就有洗手間)

入場費

儲物櫃

租金$10/每節

按金$40

溫韾提示:

進入遊戲區必須穿上襪子，如果無的話，場內可購買襪子，每對$10

PLAY HOUSE PLAY CAFE @ D.Park (荃灣)

電話: 2778 5999

地址: 愉景新城商場2樓2069b及2070a號舖

營業時間可瀏覽官方網站 [ 按這裡 ]

http://www.playhouse.com.hk/index.php/branches/tsuenwanshop/

————————————————–
歡迎聯絡我&和牛B: [email protected]
Facebook專頁: 和牛B嘅成長專頁Instagram: wagyubmami