【18-36個月】實用幼兒教材分享

】其實孖媽一直沒有逼著要教導他們什麼，只是順著他們自己的喜好去教導他們，但這個月開始，因為哥哥之前嘅病不可外出，我們每天待在家中，而剛好因為他們去學習進修的幼兒教育知識，令自己亦有所得益，就慢慢開始運用在我家兩個小人身上啦，哈哈！

以家的父母知識水平高了，都會有一些家長比較著重BBs嘅早期教育，因為大家都知道0至6歲，特別係3歲之前，如果可以係小朋友腦部發育最快嘅時間，提供足夠嘅刺激幫助小朋友腦部嘅成長，係一件很好的事。

孖媽之前已開始為好努力咁去學習進修，增值自己，認識到好多早期教育的知識，早期遊戲教育，同埋一些小朋友嘅遊戲治療、心理學、體適能等，孖媽最喜歡用一些簡單的教材同小活動來幫助孖寶嘅5感，前庭同本體進一步開發，由學習之中了解到好多人都會用唔同嘅方法，e.g.可以用音樂可以刺激聽覺，而探索亦可以引起小朋友對身邊事物嘅觸覺及興趣；睇圖書都可以刺激小朋友嘅視覺、聽覺，同埋引起佢地對閱讀嘅興趣，令小朋友更深入認識世界，令好奇心同智力都可以進步起來。

呢個月來，孖媽每天都會用呢份晴雨表來幫助孖寶開始了解年度、月份、日期、星期、天氣的日常生活的事物。

▲哥哥都要做小老師呀！呵呵！

再加上之前為孖寶辨的一場Celebration of Life蒙特梭利式生日會，我知道已經更加深咗佢地對年份同月份的一點認知，他們亦知道地球同大陽伯伯，呢點係我意想不到的，當初只係希望佢地過一個簡單又有意義的生日會同佢地鍾愛嘅人聚在一起，我估唔到原來佢地真係記得仲可以講返出來，內心真係有d 激動，原來付出的佢地係有接收的。

如果想知道更多有解Celebration of Life蒙特梭利式生日會可以參考返我地之前的分享文呀（推介閱讀：蒙特梭利式生日會分享：值得紀念的經驗）！

第2個好玩的就係呢個鱷魚遊戲，孖媽用咗故事手法：同佢地講鱷魚先生好慘呀，無牙食紅腰豆（因為佢地好鍾意食），我地快d幫佢裝返d牙上去食野啦。

之後就講出同貼上鱷魚今次到底要幾多隻牙食野先夠，其實唔一定要expect佢地一定要識做返出來，因為孖寶呢個age，佢地係可以順序數哂1-20出來，但唔一定知道係幾多件，唔洗逼佢地，可以自己做一次岩的示範比佢地睇就夠了。因為但係過程之中有玩，亦可以認到顏色，運用小衣夾亦可以幫助訓練小手肌。
(推薦閱讀：走過在家自玩的日子，觸覺訓練活動)

另一個，我地呢排在家自教成日用到的小玩意就係呢個蘋果樹啦，都係同鱷魚先生一樣原理可以慢慢教導佢地用物件數數量，不過因為細佬仔好喜歡apple，所以孖媽就用一樣佢喜歡的野來順應同佢地玩，佢地都玩得好開心，成日話要顆apple。

至於最後我地最近有用到的小教材就係呢2隻大手板啦，不過呢個其實係有d 超越佢地的年齡的，但我反而唔係著力講左右，因為正常小朋友係無咁快可以分得清左右方向的，我重點只係同佢地講顏色，玩黏貼開合，對小手肌的靈敏亦有不錯的幫助。

其實呢d教材的玩法可以幾靈活多變的，家長肯花時間，想得出的就可以了。

除此之外，孖媽覺得生活中隨手拈來其實都可以成為教材，因為哥哥暫時仍不可以外出，一般都是在家活動，就這樣在家隨手拈來就已經可以教小朋友 <大> < 小>比較的分別，以下係幾個例子。

大家都可以花點心思同小朋友一齊在生活中快樂的學習呀！

還有，孖媽覺得無咩比小朋友自己更能覺察到生命嘅特徵性，地球先生嘅美好神聖，我們生活緊和平理想嘅人類社會，其實一切都係要靠小朋友自己去實現，小朋友係人類未來嘅領袖者. 遊戲係生活，又係學習. 通過遊戲，小朋友的注意力同記憶力都會有所提升，我們一齊來由生常做起吧！
(推薦閱讀：偶然帶孩子s感到束手無策時，請大家也要幽默以對)