收藏文章最近係Facebook 專頁收到好多pm，都問到有關定我地做感覺統合Training的一些事情，不過孖媽覺得呢d比較專業的訓練，如果搵返自己的體適能教練/trainer會更有針對性，同來得更有功效，但我又想大家係屋企，都可以同BBs玩到一d簡單的訓練，所以想到同大家分享一下簡單d的小活動。
推薦閱讀：感統訓練，不要錯失0-6歲幼兒發展黃金期
首先問下大家，你地會點比小朋友食雞蛋？剝好哂永遠只係比佢見到‘白色’的蛋肉，定係好似我地咁全隻上？
其實我地一開始都是由成人幫忙剝好雞蛋殼先比孖寶食，不過早幾個月開始，我地就放手比孖寶自己自己嘗試剝雞蛋殼。
我無諗過第一次，幫小小就已經可以順利自己剝到雞蛋殼了，而且佢地亦都好喜歡呢個活動，仲會幫我剝埋我個隻。
其實呢個小活動係對小朋友的小肌肉發展有幫助的，憑良心講我作為一個孖寶御用的體適能教練係好注重呢一點的，呢個係屋企人人都可以做到的小活動，係可以訓練到小朋友嘅小手肌靈活度，大約18個月左右可以慢慢開始試下，當然過程中亦要教導同提醒小朋友雞蛋殼係要剝而唔可以食的，要細心觀察小朋友，最好可以在不介入太多的情況下幫助他們呀！
除咗小手肌之外，當然對認知亦有幫助啦，BBs可以知道煮好、未煮、仲有剝咗雞蛋殼之後嘅雞蛋係點，咁就教到小朋友係認知上啦！
推薦閱讀：在家訓練兒童體適能：運雞蛋小遊戲分享
小朋友之後剝咗雞蛋殼之後有得食，味覺亦應用上呀！
另外，我亦suggest大家可以用一個不綉鋼的容器，分別放一隻未恰，同已經恰熟的雞蛋,搖轉佢令兩隻雞蛋發出聲音，不過你要有心理準備有可能未恰的一隻雞眼會爛，所以有一個乾淨的器皿，爛咗都可以煎來食，講返咁玩有咩好，除咗視覺有應用到之外，其實另個活動對聽覺係有幫助呀！當然，同時對觸感亦可以有好的幫助啦！
呢個又簡單，又人人都可以做到的小活動，大家不妨同小朋友係屋企試下！
我要回應