婚姻就好比游水一樣，但還好有你出現係半途之中。
婚姻就好比游水一樣，人生多數時間都係孤單嘅！但還好有你出現係半途之中。謝謝你！
4年前嘅今日6月11號，我正式多咗一個人妻嘅身分。
2年多之後懷孕、誕下孖寶、當上孖媽，人生突然好像完全不一樣了。呢段時間以來，雖然同好多夫婦一樣偶然會比現實生活嘅壓力，或者因為一d孩子嘅事鬧到大家都抖唔到氣，但好感恩每次差唔多到大家鬧到就快反面唔認人嘅時候，大家仍然願意緊握住對方嘅手，回想初衷，憶起維繫住我地之間嘅嗰一份愛。
往往未結婚嘅人都會好想結婚，但結咗婚嘅人可能又會諗早知今日何必當初呢，經過呢4年多，同一路16年來嘅相處。我絕對唔會同大家講婚姻裡只有浪漫，呢d相信係電視劇先會出現嘅情節。
我自己覺得，要成就一段婚姻、一個家庭。可以做到互相欣賞、互相關愛、互相尊重，同埋搵到既可以包容對方又唔會令自己覺得委屈嘅相處方法係好緊要。
婚姻可以話係愛情嘅進階版，跳入去其實唔係大家口中所講嘅墳墓，其實係睇雙方有無一起用心經營。
我覺得用【游水】黎形容婚姻都幾貼切，游水偶爾可以放鬆下，浮下，休息一下。但係當就快要沉落去個，就需要上返來呼吸一下新鮮空氣，同樣係對方就快要沉落去個時，又要適時咁拉對方一把。
每個婚姻都會有風風雨雨，我們亦不例外，幸運嘅係，我們倆都好珍惜呢份感情。
幸福唔會憑空而來，而係需要兩個人一起努力經營的！
最後我想講嘅係：人生大多數時間都係孤單嘅，但還好有你出現係半途之中。謝謝你！
Happy Wedding Anniversary!
願，歲月靜好，無數個十年之後，我們仍能秉持初心。
我和孖寶的Facebook Page: 荔枝與孖寶
我和孖寶的 Instagram IG#: laichimama
延伸閱讀：不一樣的母親節
關於作者與本篇文章
4個追蹤 荔枝孖媽
＊美國NAHA國際芳香治療師 ＊ 嬰兒按摩及瑜伽指導師 ＊ 國家兒童遊戲治療師 ＊ 兒童體適能教練 ＊
一日之間，成為兩子之母！充滿愛與驚喜。曾經致力遊歷世界唔同的地方，到而家變成致力育兒的雙職媽媽。希望把生活中每一個美好時光都記錄下來。親子育兒，美容扮靚，飲飲食食，購物，好物都想同大家分享! 更希望與大家一起見證孖寶的成長，分享他們生活的大小趣事。
如果有任何查詢/合作想搵我或者孖寶，歡迎去我
Facebook留言