消暑恩物：自製BB版西瓜雪條

收藏文章

天時暑熱，好多大小朋友都會食雪糕同雪條嚟消暑。咁有無咩係啱BBs消暑嘅呢？
(推薦閱讀：【消暑食譜】30秒完成蜂蜜藍莓鮮果冰棒)

市面上各式各樣嘅雪糕/雪條都可能含有色素、牛奶蛋白等等。有機會令BBs腸胃敏感，而BBs食含有色素的食品就更加唔好啦！所以我今次就自家製整咗西瓜雪條比Caydan Ramsey食啦。

其實對BBs嚟講雪條除咗消暑呢個function之外，仲有另一個function就係當BBs出牙時可以用嚟減輕同舒緩佢哋出牙時嘅牙肉痛楚。各位爸媽們當然要留意返份量，比小量BBs去舒緩就好啦，唔好太多呀！而且BBs最好就at least有9個月月齡啦~

今次就用咗消暑恩物：西瓜嚟整雪條比孖寶食。而我地今次仲有用埋kidsme的牛牛冰棒牙膠嚟做雪條的主體。其實呢個牛牛冰棒牙膠唔單止係牙膠咁簡單，佢仲可以用來做冰棒的二合一的牙膠。既可以安撫BBs出牙不適，又可以用嚟做雪條。而手柄呢個鏤空環的設計，令BB好易就可以抓握到，仲可以配帶奶嘴鏈扣，唔洗驚跌落地，又方便父母拎，安全衞生。

講返今次BB版西瓜雪條的製作方法，其實做法真係好簡單： 

1./西瓜：適量
2./kidsme牛牛冰棒牙膠 : 2件 (因為我地比孖寶兩兄弟食，所以要預備2份)

1./ 西瓜去皮，切粒。
2./ 西瓜攪拌成西瓜汁。
3./ 將西瓜汁慢慢注入kidsme牛牛冰棒的容器內，合上蓋。
4./ 放入冰箱，雪一晚，美味可口的西瓜雪條即成。
(推薦閱讀：出遠門自製冰袋好簡單！在家就能尿布冰寶DIY)

孖媽今次會用西瓜嚟做雪條，除咗因為夠消暑之外。仲因為西瓜本身已經自帶甜味，因為目前我比孖寶食嘅食物都係唔會加糖的，唔加糖就算比較細既BBs食都會健康d啦！

睇下細佬仔幾like…..哈哈！

兩兄弟都好好奇咁去體驗今次的西瓜雪條喲！
(推薦閱讀：【食譜】Baby Food：安琪梨果蓉)

大家亦可以試下用唔同嘅食物去做出美味冰棒，比BBs熟悉唔同食物嘅味道。

我和孖寶的Facebook Page: 荔枝與孖寶
我和孖寶的 Instagram IG#: laichimama