芳療小分享: DIY檸檬去角質指甲邊緣油

收藏文章

又到咗季節轉變嘅時候，除咗肌膚會因缺水而變得乾燥之外，其實就連指甲都會因為缺水造成指甲乾裂分層，俗話都有話手係人嘅第二塊臉，而指甲就係呢塊臉面嘅眼睛，所以定期要幫d指甲搽上邊緣油令指甲滋養保濕都真係好重要架！

但係我地想去除指甲邊緣硬皮，就一定要先做好軟化角質嘅工作。

你知道嗎Lemon Essential Oil 檸檬精油既可以增進皮膚光澤的功效之外，亦有溫和美白功效，只要保持適度按摩，就可以令十指柔嫩光滑。我地一齊睇下支點做；

DIY檸檬去角質指甲邊緣油: 

村料:

2滴 Lemon Essential Oil 檸檬精油

1滴German Chamomile Essential Oil 德國洋甘菊精油

5ml 綜合複方純植物油

5ml 指甲油樽

做法:

可以將支DIY檸檬去角質指甲邊緣油搽係指甲裂開的地方，之後輕輕按摩，令d油份滋潤甲面，呢個DIY絕對係又平又好用嘅護甲產品，同時又可以減低指甲變黃嘅機會。

其實日常生活當中熱水、洗衣粉，仲有一d含有化學成份嘅清潔劑都會傷害緊你嘅指甲健康，所以如果好似我地要做家務需清潔打掃嘅，就最好選用一d無毒嘅家居清潔產品黎保護指甲。

平日又可以多用呢支自己動手DIY嘅指甲邊緣油黎保護同滋潤指甲，令指甲更健康更有光澤。

我和孖寶的Facebook Page: 荔枝與孖寶