BB汽車安全椅應該點揀？

收藏文章

我地每次帶住Caydan Ramsey出街都好多行裝，以家夏天好d，之前冬天加埋D厚衫真係好多野帶呀！但以家變左要多帶孖寶加固的食物都唔係小野架！所以基本上我地每次和孖寶出去都係開車，當然啦我亦會等佢地大D同佢地多搭公共交通工具，因為坐公車係好好的體驗，佢地孖媽我由細到大都好鍾意坐。

由於係揸車的關係，所以孖寶佢地都需要有自己專屬的BB汽車安全座椅，但係到底應該點樣揀BB的汽車安全椅呢？

以下係唔可以忽略的一些重點：
1、 座椅係唔係有保護BB頭部的護墊？
2、 肩帶係唔係可以隨住BB的成長黎調整？
3、 椅背高度必須高出孩子的背部，咁樣先可以提供到充足同完整的保護。
4、 最重要係安裝之後要確定係唔係牢固。

仲有一個小tips，就係BB可能會嘔奶又或者跌D野食係個座椅上，所以我suggest大家盡量揀d可以拆出來洗的椅墊同係可以洗的布料款式的座椅。

Caydan Ramsey 以家暫時都係用緊「後向式」的嬰兒籃。Caydan 目前用緊Britax呢款。

而Ramsey就係用緊Maxi Cosi呢款。

到佢地再大過d呢就會換成用「前向式」安全座椅。

之前我地已經係美國訂左兩個「前向式」Graco 返香港了。等佢地再大d就會開比佢地用既啦~

其實最重要都係要留意你架車的安全帶的長度同鬆緊度，因為其實car  seat係靠我地架車的安全帶，先可以穩固；所以一定要檢查安全帶係唔係穩固呀。仲有當然要幫BB扣上佢地安全椅的安全帶啦。

好在Caydan 基本上一上車過一會好快就會Zzzz了；所以唔需要經過一番廝殺。

而Ramsey呢；佢未必會好快訓著，但佢好喜歡望向窗外欣賞四周的風光，所以so far都算ok。而我亦都會坐係後面陪住佢地，等佢地安心d！

提提大家香港的車程雖然唔會話長得去邊，但都可以帶定d零食、水、磨牙餅乾、果汁以備不時之需；信我，真係有用架！

仲有，根據香港的法例前座乘客係唔可以抱著兒童，或者比佢地住係膝上。如果BB要坐其他人的車，車上面又無汽車安全椅。咁係呢個情形之下，寧可比BB用一般的安全帶，也勝於完全唔使用安全帶。

祝大家有個愉快的旅途！