首頁 » 作家投稿 » 生活放輕鬆 » 簡單自家製教材：carpark訓練交通觀念

簡單自家製教材：carpark訓練交通觀念

簡單自家製教材：carpark訓練交通觀念
荔枝孖媽  更新於 2017-09-29 
看留言討論

FavoriteLoading收藏文章

其實無論係買幼兒玩具，定係自家製教材，孖媽認為兩者各有好處。先講自家製教材方面，我發覺自己自家製教材比買現成的幼兒玩具好一D嘅原因係，因為你會對你自已製作嘅教材會比較為熟知一D，所以應用時自然較得心應手。而且，孖媽私心就係可以慳返小小錢，哈哈。

 

當然，孖媽絕對同意市面上好多現成幼兒玩具製作真係好精美、而且亦係可以好慳水慳力，所以兩者各有各的好處啦！（推薦閱讀： 益智玩具DIY－自己做趣味拼圖）

這次先讓我先介紹一下我自製教材的成果。其實都係好簡單，用現成有嘅材料去做比孖寶玩，亦希望佢地明白，好多時開心唔一定要係有好多新玩具，快樂唔一定係用金錢堆砌出來的！兩個做得好，喜歡跟父母講，爸媽可以考慮買玩具，但不是每天每日都有新玩具，這亦不是我們所需要的，有時簡單的手作小玩意已經夠我們小朋友開心半天！最重要嘅反而係家長嘅陪伴。

今次做用呢個大紙箱做嘅停車場可以話係佢地嘅最愛，既可以有分類物件概念、又可以有日常生活嘅元素，parking就正正是平日交通工具會發生的真實嘅情境，而且又有大小之分，形狀(長方形)可以用作教具，最重要係可以當做玩具，跟孖寶玩遊戲。

而另外一個就係簡單用一個鞋盒做一個小焗爐，小焗爐就用來焗pizza. 而pizza連烤盤都係用玩成有的紙盒的不同顏色來做的。

將pizza.放置其中，小朋友都知道煮食物係需要時間，需要等待，外出點餐時就可以教他們更有耐性啦。仲有開關製，兩個小人都玩得好開心。

其實做這些教材玩具嘅原理就係比小朋友對實物認知對比，比佢地玩得更現實。無特定玩法隨意，佢地鍾意點玩就點玩，free play。

當然，這教材都有缺憾的，就係因為係紙做的，所以可能好快會爛，再加我上2個男仔玩，未必keep得好耐。So far目前玩了1個多月左右….都ok啦！（推薦閱讀：五招讓孩子好好玩玩具（附收納玩具小貼士））

其實就好像我之前所說，生活中隨手拈來的都係可玩樂嘅教材，大家都可以利用呢d小玩意教育小朋友呀。而且自家製教材，玩法可以好靈活多變的。只要你做得出就可以了。

除咗“死板”咁逐個玩意配咭黎教孩子外，仲可以比小朋友將唔同嘅玩意按物件性質分類，比如食物、衣物、生活用品、樂器諸如此類。又可以隨意抽出一件小玩意，要小人搵出相對應嘅咭。其實無論點樣都可以玩出新奇有趣，最重要就係我地嘅陪伴呀！

關於作者與本篇文章

荔枝孖媽

＊美國NAHA國際芳香治療師 ＊ 嬰兒按摩及瑜伽指導師 ＊ 國家兒童遊戲治療師 ＊ 兒童體適能教練 ＊

一日之間，成為兩子之母！充滿愛與驚喜。曾經致力遊歷世界唔同的地方，到而家變成致力育兒的雙職媽媽。希望把生活中每一個美好時光都記錄下來。親子育兒，美容扮靚，飲飲食食，購物，好物都想同大家分享! 更希望與大家一起見證孖寶的成長，分享他們生活的大小趣事。
如果有任何查詢/合作想搵我或者孖寶，歡迎去我

看作者所有文章

我要回應

我要留言

推薦閱讀