【親子好去處】兩手FingFing去燒烤 @BeeBeeFarm

收藏文章

相隔一年我哋再到BeeBeeFarm玩，跟好耐冇見的威哥再摸啤酒底傾下計，小朋友就可以親親大自然～

 

 

 

自上次來玩過蜜峰、食過豆花、又耕過田，今次反而輕輕鬆鬆兩手揈揈在農場燒烤～「兩手fing-fing去BBQ」

 

一年冇見，多了許多羊羊，小朋友餵動物當然最開心。

 

然而自己食物自己摘，我哋一家落田徒手摘人哋的收成期。

 

我哋十點鐘到錦上路西鐵站，到C出口坐的士$30多就到達清譚停車場。

 

 

然後步行約10分鐘就到農場，威哥先帶小朋友去摘草餵羊。

 

 

我鍾意小蜜蜂農莊，因為老闆唔會為賺錢賣廿蚊一札雜草，而係叫小朋友自己親手去摘，一面可以學習付出，另一面又可以順便除雜草，哈哈～

 

 

摘到一大籃草，芊芊好滿足好開心。

 

 

之後就即刻去搵羊羊啦！

 

 

今次芊芊都肯走入羊欄裏面直接餵羊，仲記得上年佢仲係驚，要在外面隔着鐵絲網去餵。

 

 

同一時間仲有好多隻羊一齊走去佢度食草。

 

 

 

芊芊心地好專登揀D羊BB去餵。

 

 

餵的開心，食的都好開心。

 

 

「慢慢食，唔好急～」

 

 

收工之後就梗係要去玩下啦！

 

 

哥哥今次對這滑板特別有興趣。

 

 

仲話希望想買番一塊可以學玩。

 

 

這邊又新增了一個繩網，難度唔高好適合小朋友玩。

 

 

我哋走上去小看台，望過對面農田，真係成個人都好舒服自在。

 

 

 

我哋燒烤位置旁邊仲有個小彈床任玩任跳。

 

 

 

輕鬆玩過後，又要開工啦，不過今次係要幫自己摘菜。

 

 

落到農田，好多農作物都已經可以收成。

 

 

威哥特別介紹～勁豐盛的熱情果樹。

 

 

哥哥同芊芊親手自己摘下要食的紅蘿蔔。

 

 

 

又大又長的茄子，仲有白蘿蔔，好新鮮呀！

 

 

兩個真係一點都不客氣，摘咗咁多白蘿蔔。

 

 

最後再摘埋椰菜大功告成。

 

 

跟住當然要拎去洗乾淨。

 

 

真係又大又靚，街巿都買唔到的鮮。

 

 

 

我哋BBQ的地方就在羊欄附近。

 

 

BeeBeeFarm仲有好多自家製飲品，好似呢兩支蝶豆花茶同埋洛神花茶，我哋Encore咗好多支，真係好好飲呀～

 

 

有職員幫我哋起爐，哥哥就撓埋對手可以同小朋友一齊捉棋。

 

 

話明兩手揈揈就梗係食物都唔駛準備啦！

 

 

 

 

 

隔咗成個炎熱夏天，今日終於可以有機會出嚟燒嘢食啦～

 

 

 

對住一望無際的環境去BBQ，真係成個人都超舒暢。

 

燒燒下呀芊又走出去餵過羊。

 

羊有陣時會走咗出去農田，唔知去咗邊，等等下又會見佢哋成群番埋嚟食草。

 

 

呢種自由自在無拘無束的環境，可以話係真正的親子時光。

 

 

餵餵吓唔知邊度走咗隻牛出嚟呀！

 

 

邊食邊餵玩到日落。

 

 

對小朋友來講真係一個好開心的活動，而且大人亦可以好自在的吹水燒嘢食！

 

 

呀芊問我幾時可以再來呀？(啱啱走咋喎～)

 

 

 

 

 

 

Photo by CANON 5D Mark IV, Len | EF 16-35mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

 

地址

八鄉錦上路元崗清潭路菠蘿山

營業時間

星期一至日( 年中無休) 7:00a.m.-7:00p.m.

電話

9642-8569‬、6684-6677

交通可到:

巴士 64K號線，往返元朗(西)總站 / 大埔墟鐵路站 (於元崗村落)

巴士 251A號線，往返錦上路鐵路站 / 上村(循環線) (於元崗村落)

綠色小巴 72號線，往返元朗(泰衡街) / 雷公田(於清潭落)

紅色小巴 23號線，往返 元朗(裕景坊) /上村(於清潭落)

網址

http://www.beebeefarm.org

(以上資料更新至文章當日)

 

 

Facebook專頁: 呀劍萬帥 kimfamilytravel

 

Blog網誌 : www.kimfamilytravel.com