【親子好去處】悅來酒店 Panda Hotel 『大帽』險遊山食宿計劃

收藏文章

少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～

 

 

今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。

 

當然大家起到身就梗係去睇日出或者日落啦！可以遠離繁囂親近大自然、欣賞大帽山美景，仲可以品嚐殷悅中菜廳的『秋冬滋補養生宴』。

 

剛過的聖誕節，我哋一家到悅來酒店 Panda Hotel，一到步見到咁靚的聖誕裝飾，忍不住要立即打番幾張卡。

 

 

 

 

今年悅來酒店以「光影聖誕－冬日雪村」為主題，到處都係靚靚閃閃的聖誕燈飾。

 

 

真係超有聖誕節日氣氛。

 

 

計劃仲可免費入住豪華客房一晚，而我哋今次入住仲升級去住親子主題套房。

 

 

好多動物公仔，氹得我家呀芊好開心呀！

 

 

套房張大床仲好靚㖭～

 

 

 

 

 

一家人入住都住得開心D，一出街小朋友就話想快D番房…

 

 

 

今次『大帽』險遊山食宿計劃，包括晚上一餐豐富「秋冬滋補養生宴」

 

有呀芊鍾意食的海蜇煙三文魚卷

 

天氣凍最適合食的太史五蛇羹

仲有其他小菜彩椒炒蝦仁、京葱燒魚塊

我就最Like呢個臘味煲仔飯，拍得住我呀媽煮的味道。

最後仲有滋潤甜品木瓜燉雪耳

 

食飽飽可以暖笠笠瞓個好覺，第朝起身食埋個自助早餐，充滿體力一陣去『帽』險！

 

 

第一次見酒店自助早餐有西多士食，超興奮～

 

 

 

Panda Cafe裏面有個小小玩樂區，小朋友早早食飽，就可以入去玩個夠。

 

 

 

大人就可以輕輕鬆鬆繼續食！

 

 

 

酒店8/F仲有康樂室，出發前都上去玩一玩吧！

 

 

 

 

 

『大帽』險遊山食宿計劃包送grab & go餐盒，有水、一包維他奶、Fruit & Nut Bar、蘋果同埋一件好好～好味的朱古力蛋糕。

 

然後我哋就Check-out放低行李在酒店，跟住就向大帽山出發啦！

我哋到荃灣站A出口，上樓梯到大河道巴士站，搭51號巴士至郊野公園站下車。

 

 

 

 

酒店仲俾埋我哋地圖，簡易咁一紙睇哂整條路線、景點及注意地方。

 

路線資料

長度：5公里(單程)

預計所需時間：2小時(單程)

難度：普通

(沿途斜路，缺少遮蔭)

景點：扶輪公園、觀景台、天氣雷達站

 

 

大帽山氣溫比巿區低約5-6度，要帶備足夠防風保暖衣物。

 

 

在山腳有個小食亭，大家落山後可以在這裏嘆一嘆～

 

 

 

 

上山中途當然要抖一抖。

 

 

 

執樹枝玩是常識吧！

 

 

間中上山行一行呼吸新鮮空氣真係好重要。

 

 

 

沿路仲發現好多靚甲蟲。

 

 

 

大帽山果然好大霧呀！哈哈～

 

 

我哋一直上，目的地係觀景台。

 

 

 

呢個人仔行行下開始話冇力啦！

 

 

不果風景咁靚，一下子又唔記得咗自己攰啦！

 

 

 

終於上到觀景台，真係好大好舒服。

 

 

 

好多朋友都攀上這塊石打卡，我哋都唔執輸。

 

 

 

唔知向住呢個方向大叫會唔會有回音呢？

 

 

 

然後同兩個小朋友上下地理課吧！

 

 

 

不過一片大霧，咩都見唔到，唯有睇圖！

 

 

 

整個行程一上一落2小時多 (未計逗留觀景台時間)，最後落到山腳幫襯一下小食亭食燒賣魚蛋，嘆多陣就坐番巴士回程，完成我哋今次的『大帽』險遊山食宿計劃。

 

 

Photo & Video by Sony A7III FE 16-35mm F/2.8 & iPhone 11 Pro

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

 

地址

荃灣荃華街3號悅來酒店3樓

預訂/入住日期

由即日起至 2020 年 2 月 29 日 (不適用於 2020 年 1 月 25 日至 28 日及 2 月 14 日) 

餐饗套餐價

HK$598 / 每位成人 

HK$298 / 每位小童 (3 至 11 歲) 

套餐包括

自助早餐 (Panda Café) (一位) 

外帶小食盒連飲品供遊山時享用 (一位) 

秋冬滋補養生宴 (殷悅中菜廳) (一位) (不包括小童) 

獲贈項目

雙人/三人豪華客房 (一晚) 

成人免費享用迎賓飲料 

大帽山遠足建議路線乙份 

訂購兩間客房或以上可獲贈單程的士(四座位)接送服務(由悅來酒店至大帽山扶輪公園)** 

* 此計劃須至少兩位成人預訂 

** 訂購兩間客房或以上方可獲贈單程的士(四座位)接送服務(由悅來酒店至大帽山扶輪公園)。兩至 三間客房將安排一輛的士，四間客房將安排兩輛的士，如此類推 

額外優惠包括

 ✔ 免費使用健身中心 

✔ 免費提前上午 11 時入住及延遲退房至下午 3 時 (視乎供應情況) 

✔ 惠顧酒店餐廳及酒吧可尊享 75 折優惠 (特價項目除外) 

✔ 另加 HK$60 可享用外帶小食盒連飲品 (每位) 

✔ 另加 HK$250 可享用殷悅中菜廳的秋冬滋補養生宴 (每位) 

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 

條款及細則

– 所有價格已包加一服務費 

– 殷悅中菜廳的「秋冬滋補養生宴」可因應行程免費更改為午餐時段享用 

– 入住時將獲贈外帶小食盒連飲品換領券，須於當天入住晚上 11 時前到 3 樓酒吧領取 

– 如有任何取消或更改，必須於入住前 24 小時通知酒店(以香港時間為準)，否則將收取 1 晚房費， 如超過此期限，恕不接受退款及轉讓 

– 所有禮遇及服務須於住宿期間享用，否則將不予受理 – 此優惠不適用於 2020 年 1 月 25 日至 28 日及 2 月 14 日 

– 此優惠須提前預訂及視乎酒店供應情況而定 

– 此優惠不可與其他優惠、折扣或禮遇同時使用 

– 悅來酒店保留修改上述食宿計劃之權利而毋須另行通知 

– 如有任何爭議，悅來酒店保留最終決定權 

如欲訂房或查詢，請聯絡訂房部

電話： +852 2409 3188 

傳真： +852 2409 1818 

電郵： [email protected] 

 

下載詳細資料： 

建議行程 

http://www.pandahotel.com.hk/assets/filesmanager_files/HikingPackageFlyer.pdf 

 

「秋冬滋補養生宴」 http://www.pandahotel.com.hk/assets/filesmanager_files/HikingPackageBusRouteandMENU.PDF

 

 

(以上資料更新至文章當日)

 

 

 

Facebook專頁: 呀劍萬帥 kimfamilytravel

 

Blog網誌 : www.kimfamilytravel.com