濕疹寶寶冬日護理及心得

收藏文章

作者＼和牛b媽媽

我哋屋企有個濕疹嘅和牛B，所以對於環境衛生、照顧方面都有一定嘅要求及知識。

首先我哋要了解引發濕疹嘅原因，由於BB嘅皮膚未發育完全，所以對於控制酸鹼嘅能力比較低，喺無防護基制嘅肌膚係十分嬌嫩脆弱。因此保護皮膚表面的酸性保護膜係好重要嘅，免受致敏源侵擾，每日嘅清潔、保濕護理都係十分重要。

所以首先就係身體護理方面，其後就係環境、衛生嘅問題。幫BB揀身體護理產品，特別係和牛B咁有濕疹，我一定係揀成分天然、中性、無香料、低刺激嘅護理產品。

推薦閱讀：幼兒濕疹保衛戰！食衣住行都要注意

對於濕疹嘅小朋友嚟講，天氣、化學成分嘅產品係佢哋最大嘅敵人。冬天皮膚會變得異常乾燥，就好容易引發濕疹性嘅皮膚痕癢。以前和牛B嘅濕疹係成塊面都有、手手腳腳都有，仲會周身痕。過咗一歲之後，塊面已經唔會再有濕疹，唯獨是手、腳、身體都有呢個問題。

最近轉天氣，天氣又凍又乾燥，搞到和牛B成日周身痕，而大脾內側嘅位置亦有濕疹，紅色一撻撻咁。所以我都默識梗天然成分嘅BB身體護膚品。每次沖完涼之後，輕輕印乾皮膚就用精華油搽勻全身，同步作按摩。隔一陣，再幫和牛B搽埋全效修護保濕乳，再次滋潤皮膚。

我會將適量精華擠喺掌心，然後幫和牛B搽勻全身。有時佢都會好想自己搽，所以我都會插少量俾佢過下手癮。

濕疹BB注意：

1. 沖涼嘅時候留意水溫不要太熱，熱水會令皮膚變得更乾燥。
2. 將沖涼時間縮短，時間愈長皮膚上嘅水份就會流失得愈多。
3. 皮膚科醫生建議不應使用化學泡沫產品，建議使用天然而且較為滋潤嘅沐浴產品。
4. 沐浴後輕輕抹乾皮膚，並馬上搽上潤膚乳/ 油。
5. 如鄰居裝修，盡量避免直接經過，可以選擇的話就兜路走。在家多開窗，讓空氣流通。
6. 天氣熱時，儘量避免在戶外曝曬、或進行郊外活動。

推薦閱讀：寶寶怕冷？醫生：當粽子包小心悶出濕疹（痱子）

此外，我不建議使用芫茜水 或 金銀菊 抹皮膚。寶寶皮膚較幼嫩，而且每個人的膚質都不同，未必每個人都適合。曾經，和牛B只有3、4個月大時，使用過金銀菊抹皮膚，以致皮膚更敏感、、皮膚更紅、濕疹更嚴重！

使用前，真的要三思！