桃媽攻略：第一屆愛Baby愛媽咪親子博覽

收藏文章

又有bb展啦，又係一眾媽咪們血拼嘅時候！

每年大大小小嘅bb展桃媽都會直播報導，今次當然都唔例外啦！

尋日（星期五8號）就係bb展第一日，桃媽冒住紅雨去到會場幫大家搜羅好物！

場地位於5樓，有帶bb車既可以直接搭升降機上去！

可能因為紅雨關係，我0945去到（10點正式開場），現場都唔係太多人，所以相對地比較好行！

而且除左電子飛之外，即場出示已讚好大會facebook page都可以免費入場！入場時記得拎本免費嘅couple book呀！

宜家就同大家分享下桃媽嘅戰利品！

一入會場向右行你就會見到呢個汽球陣

影張合照，post上facebook，再tag 2個朋友仔，public share出去就拎到由Dr Diamond教室送出嘅仿鑽石吊咀， 每日限量50名，先到先得！如果派哂鑽石就會轉派hallmark嘅汗巾

一樣憑換領卷去G28換領

拎左換領卷可以去場後方位置拎禮物，但唔急架，有卷就有禮物，所以順路先去換都得！仿鑽隔離卡係早前網上登記送2條hallmark汗巾嘅地方，要出示番email架！如果你拎唔到鑽石而得汗巾換領卷，而同時又有網上登記，係可以拎哂4條汗巾！

Hallmark嘅質地好靚，一拎上手就知係貴野，派發款式隨機，但可以同職員講要男/女款，我就覺得好靚又實用！

Blogger媽媽私心推薦♡B Duck系列嬰幼兒用品 L01

全部勁Colourful，Bduck又超可愛我地全部都變番小朋友咁阿！好靚好靚好靚呀！

佢地d玩具全部勁抵，而且番學鞋仔又平！平衡車都只係$140仲有大量夏天游水用品添，必入手！

桃媽入手左呢套2件裝泳衣，貪佢唔係成件拉鏈裝，唔駛成件除哂！就咁著泳褲又得，成套著又得！

Bduck 2件裝泳衣（有分碼數）$332

 Blogger媽媽私心推薦♡Ella’s Kitchen K02,K04

個個都買個個都掃！

果蓉同乳酪真係必買！

做媽媽一定知，同bb出街一定要有1～2樣野食傍身！仲做緊$100/7支（果蓉乳酪同價）口味齊全哦！