幫助1-3M寶寶入睡方法

作者＼Calebma

諗返起剛剛出世Caleb b 每兩個鐘就食一次奶，每天就是餵、換片、氹瞓，然後自己瞓一陣……有唔知幾多個夜晚就是在廳行行行，搖搖搖，係梳化兩個一齊瞓著咗聽到喊聲醒了又再餵……

其實new born 係沒有日和夜concept，所以媽媽同樣没了日和夜……係一晚之間，bb出世之後，就由一個瞓10小時的孕婦係一夜之間變成broken sleep 到只有30-45 mins 的媽媽。

btw有些家長認為應該讓BB自己在床瞓，培養自己入睡的習慣，不過心理學家Erik. Erikson提出的心理社會發展學（Psychosocial developmental theory），第一個階段0-1歲就係關於信任與不信任，所以建立安全感，有被重視的感覺都好重要加上仍是很初生的BB，我的方法都係以盡量俾安全感佢為先

推薦閱讀：順其自然教養法，不強求小孩獨立分房睡

至於點樣幫助bb入睡？其實有好多方法，頭6個月我地都可以盡量模仿媽媽子宮既狀態，令佢感到暖暖及安全。

安撫擁抱

除了因為小寶寶在子宮活動範圍較少外，根據感覺統合治療（sensory integration），觸覺（tactile），即從皮膚而來的感覺，是最基本、影響力最大的系統，故此令小寶寶滿足其觸覺上的需要，可以令他減少不安，較容易入睡。

有些家長會用包巾包緊法，當然要好好留意小寶寶的呼吸情況了。不過Caleb b比較喜歡自由，哈哈，呢個方法唔太work on him。而我大多會拍拍他，將他擁入懷中和陪伴陪伴，亦是不錯的方法。

奶咀 vs 餵奶

奶咀的確是令小寶寶容易入睡的方法，但亦有很多報告指出，尤其母乳媽媽，小寶寶太早吃奶咀會容易跟乳頭混淆了，所以建議頭3個月不應給小寶寶奶咀……而餵奶方面，其實大部分初身bb（好似Caleb b）都係2個鐘已經食一次，所以有時其實都會在餵奶中睡著了，但如果係佢食完奶之後，仍然清醒，而之後想哄佢入睡的時候，我就不會用餵奶的方法，因為好似上次咁講，都希望佢慢慢有structured lifestyle，而且這樣媽媽也太累了……

所以呢2個方法係caleb b 1-3個月時，我都不太prefer用。

白噪音（White Noise）

白噪音係指一段聲音中的頻率分量的功率在整個可聽範圍（0～20KHZ）內都是均勻的（即係點…哈哈）就是一些好像電視，風扇，風筒等的「嗡嗡」聲，對小寶寶有安撫的作用。但當然要留意不要太大聲而影響其聽力，大約50分貝（就是沖涼水聲大小）較為合適。

Caleb b聽white noise好work，尤其係風筒！唯一就是當時我都不太留意聲量的問題，不過現在的Caleb b仍然聽得清楚，所以我都不太擔心！

不過white noise我自己經驗覺得有期限的，Caleb b在開始的1-3個月很合用，之後就不是了（待下次再講佢4-6個月開始點瞓）還有其他方法的，如到戶外走走甚至開車兜風，不過就真係有d難應用吧…

所以，Caleb b睡覺大法就是安撫擁抱+ white noise啦！

推薦閱讀：寶寶自行入睡，媽媽心情好美麗

到接近3個月時，Caleb b 自己都慢慢適應左，日頭有每3小時的食玩瞓cycle，晚上可以係自己床瞓到average 4-5 hours…所以媽媽s不用急，小寶寶其實每天都不斷在成長中。