小B的頭泥成因與處理方法

「頭泥」，係一種比較普遍出現係新生嬰兒身上既一種皮膚炎。小JM都試過有頭泥既情況，幸好並唔嚴重，所以係問過姑娘意見後都無打算做額外既野去清除小JM既頭泥，只係由得佢自然脫落。

「頭泥」咩來架？

「頭泥」其實係皮膚炎既一種，正確醫學名稱係「脂溢性皮膚炎」。主要成因未明，可能係小B們成長既時候，因為新陳代謝會比較快，因而引致死皮出現及積聚既情況，而引致「頭泥」既出現。
(推薦閱讀：異位性皮膚炎有救了！牢記四步驟：浸、塗、濕、乾)

而頭泥主要出現係初生小B既頭、面部、眼眉同耳緣等位置。一般人成日都會認為「頭泥」係因為天氣、室溫等問題而引致，但事實並無關係，亦無證明「頭泥」與細菌感染或濕疹等相關。

「頭泥」可以點處理？

醫護人員話過「頭泥」其實係正常現象，而並非小B們頭皮太污糟或清潔不足，所以唔需要特別去做治療既，如果爸爸媽媽係擔心既話，醫護人員話都可以用較輕鬆既做法去幫小B們清除部份頭泥既。

爸爸媽媽就需要為小B預備以下物品來去洗走頭泥：

1.）橄欖油或BB油
2.）小B用洗頭水
3.）紗巾
4.）密齒梳

簡單方法及步驟如下：

1.）橄欖油或BB油為小B們輕輕按摩
2.）再以溫和既洗頭水沖走「頭泥」
3.）用紗巾印乾或輕力抹乾頭髮
4.）以密齒梳慢慢輕輕梳走已脫落既頭泥
(推薦閱讀：嬰兒洗澡有訣竅，盆浴勿超過15分鐘)

小提示：

因為小B們皮膚比較幼嫩，當爸爸媽媽們為小B清潔既時候要放輕力度，不好因為心急想快啲清走頭泥而用力擦或者以指甲整走頭泥，因為咁做有機會會整傷小B既頭皮，會增加左感染既機會，到時就真係弄巧反拙架啦。

如果爸爸媽媽們發現小B既頭泥情況無改善，而且有惡化跡象既話，就建議爸爸媽媽們尋求醫生既專業意見。醫生將會根據小B們既需要而處方含消炎作用既類固醇藥膏俾小B，咁小B就會好快好返架啦所以爸爸媽媽們唔駛太擔心架。
【傑。斯與晴】授權轉載原文出處【C。J の爸媽手記。頭泥成因。處理方法】

關於作者與本篇文章

3個追蹤

傑。斯與晴

在職80後情人節媽媽與元宵節寶寶。
新手媽媽細數生活中點滴動人時光，
紀錄及分享育兒小心得、親子旅行及購物分享。
如果有任何查詢/合作想搵我或者Jolie，
歡迎去我們的FB專頁https://www.facebook.com/cjoliema0222/
又或者email到: [email protected]