首頁 » 作家投稿 » 生活放輕鬆 » 小寶寶專屬聖誕裝飾DIY

小寶寶專屬聖誕裝飾DIY

和牛b媽媽  更新於 2017-12-15 
看留言討論

FavoriteLoading收藏文章

話咁快又到十二月，十二月大家都一定好忙，好忙咁買聖誕禮物、好忙咁佈置聖誕樹、工作都好忙。今年因為我哋準備要搬，所以屋企無乜氣氛，聖誕樹又掉咗，上年用過嘅聖誕裝飾又Pack晒入箱，所以我屋企真係冇乜氣氛嘅。雖然佈置唔到屋企，但我仲可以幫手佈置娘家、同埋公司。

我發現當我生咗和牛B之後，屋企溫暖咗好多、氣氛融洽咗好多。因為屋企多咗好多家庭相，笑聲又多咗。

推薦閱讀：DIY親子同樂，做出聖誕禮物包裝紙！

今年我決定搞搞新意思，自己動手整聖誕裝飾品。材料工具都好簡單，都係剪紙、拼貼。而今次教大家做嘅小手工，可以一物多用，可以掛喺聖誕樹、掛牌、吊旗，仲可以當小小心意咭送俾朋友。

準備工具：

1.打印好嘅人物
2.厚咭紙/ 紙皮
3.金粉膠水
4.打窿機
5.交剪
6.線/ 繩/ 絲帶
7.雙面膠紙
8.博士貼/ 封箱膠紙 – 作為(1)嘅保護面

推薦閱讀：創意窗貼DIY

做法 :

1. 首先將自己完成好嘅人物圖案印出嚟，再用封箱膠紙/ 博士貼貼於表面作一層保護。

2. 然後修剪好形狀，再利用雙面膠紙貼於厚咭紙/ 紙皮上面。再剪/ 界出嚟。

▲ 然後利用打窿機喺頂部位置打個窿。

▲ 再穿上繩/線/絲帶，長度可隨自己喜好而家。

▲ 完成啦！

見到咁多個和牛B，覺得好興奮，佢哋好似開Party咁。

可以將佢哋掛起，一樣好開心。

掛上聖誕樹都一樣好有氣氛。

小貼士
  • 喺製作上點解我用雙面膠紙而唔用膠水/ 漿糊筆呢? 原來係因為漿糊筆黏力未必夠好，而用膠水嘅話好容易會令到人物圖案嘅紙出現起泡/ 皺嘅情況。
  • 於保護膠貼方面，其實係可以過膠都得嘅，但如果屋企無過膠機，要拎出去俾人過膠嘅話，過一張嘅價錢都唔平呢。
  • 設計圖方面，我自己係用Photoshop去製作嘅，如果大家冇Photoshop，大家可以Download下面呢個Apps，之後Save低再打印出嚟。不過就冇咁Q版，但都可以有自己想要嘅圖像。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀

{台北景點}ONE PIECE 歡樂派對嘉年華 就在臺北市立兒童新樂園，超高五米魯夫和喬巴，還有超好玩氣墊遊樂區，活動只到10/12，趕快來玩！

{台北景點}ONE PIECE 歡樂派對嘉年華 就在臺北市立兒童新樂園，超高五米魯夫和喬巴，還有超好玩氣墊遊樂區，活動只到10/12，趕快來玩！

別讓一姐不開心 發表於 2025-08-23 

{台北景點}ONE PIECE 歡樂派對嘉年華 就在臺北市立兒童新樂園，超高五米魯夫和喬巴，還有超好玩氣墊遊樂區...