New born 1-3個月_辛苦BB篇(2)_肚風

收藏文章

唉…呢個到四個月大先處理到……點知知佢係肚風(colic pain)，就係佢每天都在特定既時間喊得好犀利，用咩都安撫唔到…(個時仲要係凌晨5點幾，見到佢都辛苦)然後過左一排就無事….

 

蛋敷 掃風 坐直佢 用油按摩 做運動 咩都試哂但要痛真係冇辦法……只可以陪住佢comfort吓

 

– 蛋敷: 老人家都話放隻銀落去再包住隻蛋，然後再敷BB不同身體部分，尤其個肚，如果有風就係藍色，上火就係紅色，唔知WORK 唔WORK，不過caleb b都約enjoy被敷既過程

 

– 掃風+ 坐直佢: 好多媽媽話掃多d，咁d風就唔會入落肚，所以我每次餵完奶都掃差唔多10分鐘啊~

 

– 用油按摩: 呢個係當caleb b真係痛緊既時間我地會用，幫佢紓緩一吓

 

– I LOVE YOU按摩: 有D唔同，這做法係平時食野隔了一個鐘做，都幾好，主要係幫佢腸腸郁動得好D，排走D氣reference: https://www.youtube.com/watch?v=nUNzi9PYBwc

 

– 做運動:好似踩單車咁，BB平躺，然後把他的腿抬向肚子輪流郁動

reference: https://www.youtube.com/watch?v=xqEGc7oqcXc

 

另外，母乳媽媽要留意，唔好食咁多脹氣的食物，好似豆類、椰菜花、西蘭花；奶粉的就要小心沖奶粉時不要混入太多既氣體

 

Dr. brown’s 出了一個專俾bb有肚風用，我覺得都不錯的，不過奶咀位有漏奶的弊端(另Tommee tippee聽聞都有出一款，不過我自己就未試過了)

 

有時我都會jealous 其他BB 點解可以瞓得咁林而caleb b 就會因為肚痛醒…不過呢個b 一唔痛就會唔喊其實已經好好好strong

所以就算佢可能冇咁易凑，冇咁係人面前好可愛的, 冇咁易跟人, we still love him so muchAnd proud of 一個小bb 點樣努力去克服佢既痛楚

就由new born 開始學習陪佢面對生命中大小的sorrow moments