增強免疫力嘅健康秘密武器: 天然食物 – 紫淮山 唔止咁紫淮山仲有抗氧化美容功效

收藏文章

今次同大家介紹嘅係紫淮山，孖媽除咗對天然療法醉心研究之外，對健康食療亦很注意。事源之前孖寶嫲嫲已經買過紫淮山返黎煲湯比兩個小人飲，今朝我見到有靚嘅紫淮山所以又返來想煲粥比孖寶食。

 

 

紫淮山被冠名為「紫人參」，根據《本草綱目》記載，「紫淮山」係地中寶，有很高嘅藥用價值。而且紫淮山含大量花青素，對我地女士們仲可以起到抗氧化同美容養顏嘅作用。所以紫淮山被稱為蔬菜之王。

 

 

紫淮山具抗氧化美容功效

紫淮山其實亦係淮山嘅一種，含大量紫色花青素，有助治療心血管疾病，具抗氧化及美容養顏功效。食用紫淮山亦有助增強人體免疫力，健脾止瀉，益肺滋腎。

 

 

而且紫淮山口感佳，營養好，含有澱粉、蛋白質、氨基酸、維生素及鈣、鐵、鋅等20多種營養素，最大的特點是花青素含量是白淮山的60倍，對人嘅眼睛有保健作用。係營養價值很高嘅農產品。

 

 

以家再加埋紫淮山，嘻嘻…….加倍功效呀～Yeah!

就等我來幫大家總結一下紫淮山呢隻健康秘密武器啦!

 

 

保健價值：

1/ 增強免疫力

2/ 促進腸胃健康

3/ 降低血糖

4/ 降低血脂（總膽固醇/甘油三脂/低蜜度脂蛋白）

5/ 抗衰老

6/ 通血管及預防膠原病

7/ 健脾補腎

樣樣佳能嘅用途：

1/ 煲湯

2/ 炒

3/ 煲粥

4/ 火煱

5/ 煮飯

食譜分享：紫淮山粥

材料：

1/ 白米：適量

2/ 紫淮山：600克

3/ 淮山：600克

4/ 水：適量

 

 

做法：

1/ 白米洗淨，用水浸泡３0分鐘左右，用大火煲滾，之後改成細火熬粥。

2/ 紫淮山去皮、洗淨、切件，加入粥內煮至軟熟軟，即成。

 

 

孖媽小貼士：

1/ 紫淮山比白淮山較硬身，需要煮耐一點至淋身，所以可以一開始就要跟米粒一齊煮，口感亦會更均勻。

2/ 而且紫淮山的色澤煲出來好靚架，口感亦比較好。

 

 

我和孖寶的Facebook Page: 荔枝與孖寶